1 Kolinita 7:22 - Loina Tabu Auwauna NT

²² Ona'ai'aila, topaisewao bale'uya 'abo Keliso 'ena siemisa, Yaubada sawesawenaya 'idi to'umalinao 'ediyega 'ili'amidi, ta wate tai sinabwadi 'abo Keliso 'ena siemisa, sida eto'ali'ei tauna manuna.

1 Kolinita 7:22 Referans Kwoze

1 Pita 2:16

Ta 'omi esi ni'atu Yaubada 'ili'amimi be 'aene taumimo wada loinemi, ta esi geya'abo guinuwa to'umalidi 'ediya watautauya, ta wada guinuwa tuga nadigega Yaubada 'ina toguinuwao.

Pilimoni 1:16

Lowa tauna 'imu toguinuwa, ta gete tugai nigeya 'aene 'ietoguinuwa namo, ta tauna wate tada 'awatasina Yesu Keliso 'enega. 'Abo'agu ni'atu ya'awa tasinena, ta 'oyo 'ilobweneyo be 'u'awa tasina 'ai'aile, manuna tauna 'imu toguinuwa ta tasiyo wate 'ida 'Inapwana 'enega.

Galetia 5:13

Gosegwao, Yaubada ni'atu 'iesinuwemi ga li'ali'amimi, ta geya'abo wanuwena 'aene nigeya 'ami loinamo be bubuna bale'u wamulimuliyedi, ta esi oboboma 'ina loinega wada tauya be taumimo wada elemalema limanemi.

Galetia 5:1

Miya bobo'ana manuna Keliso 'ili'amida 'ada yonao 'ediyega, 'enega wada toolopa'ala be geya'abo watagwatagwala limanemi Mosese 'ina loina yoniyonina 'enaya.

Yude 1:1

'Abo'agu Yesu Keliso 'ina toguinuwa, ta tasigu Yemesa. Gete 'imi leta ya'etoladinawa, 'omi Tamadai Yaubada 'ana esiesinuwao, manuna 'iobobomemi ta Yesu Keliso 'i'ita'i'isimi.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

Kolose 4:12

Epapila wate 'ina lokagutoki 'emiya, tauna 'ebweu 'imi boda 'emiyega, ta 'iguiguinuwa To'etoseyana Yesu manuna, ta wate 'ina sidasidao 'ediya 'isidasida waiwai be 'aene wada toolopa'ala ma imi bubuna maibo'ana bobo'ana, nadigega Yaubada nuwanuwana.

Galetia 1:10

Mwa'adega, tomota nidi 'adi tuputupu manuna yanuwanuwa, nai Yaubada 'ana tuputupu? Manuna 'eguma tomota 'idi nuwanuwa yaguiguinuwa, nigeya sawesaweguya be Keliso manuna yaetoguinuwa.

1 Kolinita 9:19

Ta wate geya'abo tomota 'agu loina sisa'usa'u, ta esi tomota yauyaudi manudi yaguiguinuwa be yada 'etoseyedi.

Loma 1:1

'Abo'agu, Yesu Keliso manuna yaetopaisewa, ta Yaubada 'iesinuwegu be 'ina tetela bobo'ana manuna yada etosimana.

1 Kolinita 7:21

'Abo yaita 'oyo 'ebweu tai sinabwana manuna 'uguiguinuwa tuta nina 'uekalesiya, geya'abo 'unuwanuwa mwau 'imu paisewa daita nina manuna, ta esi 'eguma 'imu taubada nina ma'etamo 'itagwaleyo be 'uila 'imu 'asaya, bobo'ana 'uda ila tuga.

1 Kolinita 9:21

Ta wate taudi Mosese 'ina loina nigeya simwalamwalatoni, 'eguma ma'egwao 'amiyami, yabubuna taudi nadigega be 'aene yalemedi, ta esi geya'abo 'agu loina Keliso 'enega yale'oale'oa.