1 Kolinita 7:2 - Loina Tabu Auwauna NT

² Ta esi nigeya sawesawemiya be maibo'ami nadigega waguiguinuwa'esa, manuna yau wawasae taudi weweloedi siguiguinuwa besobeso. 'Enega nai 'ilobwenemi wa'eloai be 'enega 'ebweuna 'ebweuna mamwanena, be geya'abo guinuwa besobeso 'isinasinabwa 'emiya.

1 Kolinita 7:2 Referans Kwoze

Epeso 5:28

'Enega 'abo'ada me'olotoda 'ilobweneda be mwanedao taobobomedi, tauda bwalada 'atuwa. Manuna 'abo yaita mwanena 'iobobome, taunamo ni'atu 'ioboboma limena.

Epeso 5:33

'Enega 'ilobwenemi be 'ebweuna 'ebweuna mwanena 'ida obobome tauna 'atuwa, be waine aiai nina 'ilobwenena be mwanena 'ida 'amayabe.

1 Kolinita 7:9

Ta 'abo nuwanuwami be waaai, bobo'ana, wada ai tuga, be 'enega geya'abo yalakwaiya 'igiegie to'umaliyemi.

1 Kolinita 6:18

'Enega 'ilobwenemi be loelata waguitoyase, manuna loelata nigeya nadigega mali bubuna to'umalidi. Ona'ai'aila, mali bubuna to'umalidi nigeya ooda sida gieto'umaliyedi, ta loelata esi ooda 'igiegie to'umaliyedi.

1 Timoti 4:3

'Idi kabo nidi 'aina gete, 'aene ai yage to'umalina, ta wate 'aina masula 'adi 'ai si'etobodedi. Ta 'omi Keliso 'ana toemisao e'ita 'ai'aila wamwalamwalatoni 'aene Yaubada masula maibo'ana 'ibubudi 'e'ai manuna, be 'aene ma ida gwausowala tada 'enidi.

Madiu 5:32

Ta 'abo'agu yaloinemi 'aene, “'Eguma tai mwanena nigeya 'iloeloegesi, ta tai tuga 'isasa'ila be 'iaibala mali waine 'ena, tai nina gimimwanena 'igieloelatena 'abo waine nina 'iaibala mali tai 'enaya, ta gete tai nina 'eguma 'iai waine sa'isa'ilina 'enaya, tai nina wate toloelata.

1 Kolinita 7:1

Nuwanuwa nina ai manuna ni'atu 'igu leta 'enaya wasimanena, 'enega 'abo'agu yaeonami 'aene bobo'ana tuga 'abo me'olotodi geya'abo siaiai.

1 Kolinita 7:3

Be 'enega me'olotomi mwanemiyao 'idi nuwanuwa wada muliyedi. Wate nadigega 'omi mewainemi mwanemiyao 'idi nuwanuwa wada muliyedi.

1 Tesalonaika 4:4

be 'enega 'ebweuna 'ebweuna wada ai ma imi bubuna bobo'ana ta palupaluna,