1 Kolinita 5:8 - Loina Tabu Auwauna NT

⁸ 'Enega 'ida sagali nina tada guinuwe, nigeya ma ida bubuna kadekadelina ta to'umalina 'ediyega, ta esi ma ida bubuna bobo'ana ta palupaluna 'ediyega.

1 Kolinita 5:8 Referans Kwoze

Luke 12:1

Pwalu sinabwa wawasae sideli egogonama ga siegigigila, ta Yesu 'iona nugana 'ina tononoyao 'ediya, 'igwae, “Wada 'ita'i'isimi ta Palisiyao 'idi guinuwa kabokabo geya'abo waguiguinuwedi, manuna 'idi guinuwa 'atuwa nadigega pwalawa 'ana 'ebe gieseseya. 'Ebe gieseseya nina 'abo to'ase nadigega gidalina 'iabe 'igiesinabwa,

Maki 8:15

Ga Yesu 'iemataluwedi, 'igwae, “Palisiyao be Elodi 'adi beledi 'ana 'ebe gieseseya 'enega wa'ita'i'isimi.”

Madiu 16:6

Ga nada Yesu 'ieonedi, “Palisiyao be Sadusiyao 'adi beledi 'ana 'ebe gieseseya 'enega wa'ita'i'isimi.”

1 Pita 4:2

'Enega 'ida tuta maibo'ana bale'uya tamiyami, tada tagwaleda Yaubada 'enaya be tauna 'ida loineda, ta 'ida yalakwaiya geya'abo 'iloiloineda.

Epeso 6:24

Be wate yaisigedi ma'emiyao, 'abo 'ida 'Inapwana Yesu Keliso sioboboma ataena, 'ina 'atenuwa 'ole'oleyega 'ida obobomedi wate. 'Abo'agu Paulo.

1 Kolinita 5:6

Ta geya'abo wanuwanuwatu'e, ta esi wada nuwa'i'isi 'aene 'abo to'umalina gidalina 'emiya 'imiyami, 'iabe maibo'ami 'igieto'umaliyemi.

Yoni 1:47

Ga tuta nina Yesu Nataniela 'i'itena ga tomota 'ieonedi Nataniela manuna, 'igwae, “Tai gote tauna goma Isileli ta nigeya 'ebweu wate kabo 'enaya.”

Madiu 16:12

Gote 'ena nuwadi 'isabwalena 'aene nigeya beledi 'ai'aila 'ana 'ebe gieseseya manuna 'ionaona, ta esi Palisiyao be Sadusiyao 'idi e'itao 'ediyega sida 'ita'i'isidi.

2 Kolinita 8:8

Gete 'igu ona tuga ta nigeya 'aene yaloiloinemi, ta manuna 'aina toekalesiyao yamwalatonidi sietaetapewa 'ebwayadaita manuna, 'enega 'ebe toona gete yasa'una be ta'ita nai waeobooboboma 'ai'aila, nai nigeya.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

1 Kolinita 5:1

'Imi to'umalina yanonona manuna 'ebweu tai 'emiyega tamana mwanena ma'iyana siloegesi. Loegesi nate to'umali wawasae. Taudi tomiya apwesa sena yauyauna 'ediya nigeya nadigega sida bubuna'esa.

1 Kolinita 3:3

Ona'ai'aila, 'imi bubuna ma'etamo tuga me bale'u nadigega, manuna 'etamo waegewagewana be wae'ipi'ipi tuga,

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.