1 Kolinita 4:9 - Loina Tabu Auwauna NT

⁹ Ta esi gete tuga 'ana 'ita 'atuwa Yaubada 'ana tosimanao 'abo'ama miyamwau 'i'ebwa'ema, 'atuwa taudi yoniyonidi sabi loemwawasidi, ga 'enega aniloseyao be tomotaiyao be yage maibo'adi siduneduneyema,

1 Kolinita 4:9 Referans Kwoze

Ibeliu 10:33

nate 'aina tuta tomota sigie omayamayaemi ta sigie 'elouyaemi ta 'aina tuta gosemiyao ma'emiyao wa'elouya leleleya.

Loma 8:36

manuna Buki Tabu 'ena onaupaupa 'ebweu 'igwae, “'Asiyata 'ebweuna 'ebweuna 'ediya 'imu guinuwa manuna 'ebe mwawasa 'ena 'atootoolo, 'atuwa nadigega sagali bawenao sabi loemwawasidi.”

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

Ibeliu 11:36

'Aidi wate 'adi talauwalao situyetuyeyedi ta balaeyega siunuunudi, ta wate deliya sisa'u luguyedi ga siyonidi.

1 Tesalonaika 3:3

be 'enega geya'abo 'imi 'elouyao 'ediya waneeneta. Manuna miyamwau nidi wamwalamwalatoni 'aene maibo'ada talobalobadi.

2 Kolinita 6:9

Wate tomota nigeya simwalamwalatonima ta Yaubada esi 'imwalamwalatonima. 'Abo'ama 'atuwa mwawamwawasima ta esi ma yawasima bobo'ana. Sigie to'umaliyema ta nigeya siloeloemwawasima.

Guinuwa 19:31

ta 'aidi wate gosenao me Esia 'inapwanao ona sietunena ga Paulo sisidena be 'aene geya'abo 'ida lugulugu Anuwa Deliegogona nina 'ena.

Guinuwa 19:29

'Enega tomota yauyaudi sipili egogonama, ta sibwaubwau ga galala besobeso siguinuwena, ga me Masidonia 'eluwa sigiyaidi, taudi Paulo 'ina sakowasi 'ediya 'ana to'oayabuyao, 'adi esanao Geyo ta Alisitako, ga sipiliyedi Anuwa Deliegogona 'enaya.

1 Kolinita 15:19

Ta wate 'abo'ada Keliso 'ana toemisao nuwa'ole'oleda sa'i, 'abo Keliso 'ina lema 'edaya tuta gete bale'uya namo manuna, ta nigeya tuta 'imeema 'ida mwawasa mulinaya manuna.

2 Kolinita 11:23

'Abo taudi Keliso 'ina 'ali'eiyao bobo'adi, 'abo'agu 'ina 'ali'ei bobo'ana wawasae. 'Igu ona gete 'atuwa uwauwagu. 'Igu gwaunuwa 'enega yanugana sinedi, 'igu lugu deliya yau wawasae, 'agu sapiyao wate yauna, ga tuta yauna 'ediyega 'aene tuga 'iabe yada mwawasa.