1 Kolinita 2:6 - Loina Tabu Auwauna NT

⁶ Mwalatoi 'ai'aila Yaubada 'enega yasimasimana toemisa pa'alidi 'ediya, ta sa'i bale'u gete 'ana mwalatoi nai toloinao gete tuga 'idi mwalatoi sawasawalidi tuga,

1 Kolinita 2:6 Referans Kwoze

Ibeliu 5:14

Ta 'abo yaisigedi 'idi mwalatoi 'imatuwa, taudi 'atuwa masula pa'alina 'ana to'aiyao, manuna nuwadi ni'atu 'isabwalena ga sawesawediya siesinuwa to'ase bobo'ana ta to'ase to'umalina.

Yemesa 3:15

sinasinapu nidi gete nadigega nigeya galewega, ta esi tuga bale'u bubuninao 'adi yalakwaiya be Seitani 'ediyega.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

1 Kolinita 2:8

Ta bale'u gete 'ana toloinao mwalatoi nina nigeya simwalamwalatoni, ta 'eguma nai sida gimi mwalatonina, geya'abo sa'i 'ida 'Inapwana galewega sida loeloemwawasi kelose 'enaya.

1 Kolinita 1:28

Ta wate me bale'u Yaubada 'ina guinuwao si'awa yage besobesoedi, ta sa'i Yaubada 'ina guinuwao 'ediyega 'idi yage maibo'ana 'i'ausepaledi.

Kolose 4:12

Epapila wate 'ina lokagutoki 'emiya, tauna 'ebweu 'imi boda 'emiyega, ta 'iguiguinuwa To'etoseyana Yesu manuna, ta wate 'ina sidasidao 'ediya 'isidasida waiwai be 'aene wada toolopa'ala ma imi bubuna maibo'ana bobo'ana, nadigega Yaubada nuwanuwana.

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

Madiu 5:48

Ta 'omi 'ilobwenemi be adelimi bobo'ana maibo'ana, nadigega Tamami galewaya.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

Yemesa 3:2

Ona'ai'aila, maibo'ada loegesi taguiguinuwe. Ta 'abo yaita tauna nigeya ona to'umalina 'awanega 'ida apwesa, tauna tai 'esasena ta palupaluna, manuna sawesawenaya be oona maibo'ana 'iloine.

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

1 Kolinita 2:13

'Enega 'ida ona nai 'ida e'ita nigeya me bale'u 'idi mwalatoi 'enega, ta esi Yaubada yaluyaluwanega, 'enega yaisigedi taudi yaluyaluwa nina 'ediya 'imiyami, sawesawediya be ona nidi sinonodi, ta wate simwalatonidi.

1 Kolinita 2:1

Tasigwao, wanuwa'i'isi tuta nina lowa Yaubada tetelina yame'ena ga yasimanena 'emiya, nigeya 'aene 'abo'agu tosinasinapu sinabwana,

Luke 16:8

“'Enega 'ina 'inapwana nina 'ina guinuwa gete alena 'inonona, ga 'itupuna, 'ina sinasinapu manuna. Onasemalimali gete 'enega 'ie'ita 'ai'aila 'aene, me bale'u siewaiwai 'idi esaesa 'ana guinuwa manuna, ta Yaubada 'ina bodao 'idi paisewao maedana manuna nigeya siewaiwai.”

Madiu 19:21

Ta Yesu 'igwae, “'Eguma nuwanuwayo be adeliyo maibo'ana bobo'ana, 'uila 'imu 'asaya be 'imu gwegwe maibo'adi 'uegimwaneyedi be 'adi maisa 'ueguyaiyedi togomabeso 'ediya, ta 'enega 'umama be 'umuliyegu, be 'enega ma'etamo esaesa galewaya 'uloba.”

Madiu 13:22

“Ta atu nidi kwakwakwala 'ediya sibe'uya taudi tetela bobo'ana sinonona, ta 'idi nuwanuwa bale'u be esaesa 'ana nuwanuwao 'ediyega tetela bobo'ana siloemwawasina, 'enega nigeya sawesawenaya be siuuwa.

1 Kolinita 3:1

Ta tasigwao, nigeya kapekapeyana be mwalatoi 'ai'aila yasimana 'emiya, manuna yaluyaluwami nigeya simatumatuwa, ta 'imi nuwanuwa ma'etamo tuga me bale'u 'idi nuwanuwa nadigega. Manuna 'omi wae'ale tuga Keliso 'ana emisa 'enaya, 'atuwa gogama gidalidi nadigega.

1 Kolinita 12:8

ta esi dumadumadi, manuna tomota 'ebweuna 'ana egueguyai mwalatoi, be 'ebweuna sinasinapu,

2 Kolinita 4:3

Ta 'eguma 'aina tomota 'ima e'itao nigeya simwalamwalatoni, taudimo esilae 'ina 'eda 'enega sitautauya.

Kolose 1:28

Tauna Keliso nina 'asimasimane, ta 'ima mwalatoi 'ai'ailega 'aloguguya ta 'ae'ie'ita tomota maibo'ami 'emiya, be 'aene Keliso 'ana toemisao 'omi 'ada gieapwesemi ma imi bubuna maibo'ana bobo'ana, ta matuwana.

Ibeliu 6:1

Gimi e'ita Keliso manuna ni'atu wanonodi ga wamwalatonidi, 'enega nuwanuwagu mwalatoi auwaudi Keliso manuna yae'itami be 'imi nuwanuwa 'ediya waetai. E'ita nidi ni'atu tanonodi ta tamwalatonidiya geya'abo talolimalimadi. Yage nidi getedi: 'ida bubuna lowa to'umalidi 'adi guitoyasa, 'ida emisa Yaubada 'ena,