1 Kolinita 2:14 - Loina Tabu Auwauna NT

¹⁴ Ta esi 'abo nigeya, geya'abo sa'i simwalamwalatoni, manuna 'ediya 'aene yage kabakabaleya tuga. 'Enega nigeya sawesawediya be yage nidi simwalamwalatonidi, manuna Yaubada yaluyaluwana geya'abo 'igiegienuwa sabwalenidi.

1 Kolinita 2:14 Referans Kwoze

1 Kolinita 1:18

Ona'ai'aila, kelose tetelina taudi yaluyaluwadi mwawamwawasidi si'awa kabokaboei, ta esi 'abo'ada taemisena 'aene Yaubada 'ina waiwai tetela nina 'ena 'imiyami, ga 'enega 'i'etoseyeda.

1 Yoni 2:27

Ta mwalatoi nina ni'atu wamwalatonina, manuna Yaubada Yaluyaluwana ni'atu 'i'ebwa'emi, ga ma'emi wamiyami, ta 'ie'itemi. 'Enega nigeya 'ebweu wate tai sawesawenaya be 'ie'itami, ta esi Yaubada 'ina 'ebwaya 'enega mwalatoi yauna wasinapuna, nate mwalatoi 'ai'aila manuna. Yaubada Yaluyaluwana nigeya sawesawenaya be 'ikaboeda. 'Enega 'ina e'itao wamuliyedi, be Keliso ma'emi wamiyami, ta geya'abo wapilipilisine.

1 Kolinita 15:46

Tai yaluyaluwana nigeya 'iapwesa nugana, ta esi bwalana 'iapwesa nugana be yaluyaluwana muliyega.

Yude 1:19

Toto'umalina nidi bubuna bale'u simulimuliye, 'enega toekalesiyao 'adi toweyala, manuna Yaluyaluwa Tabuna nigeya 'ediya 'imiyami.

Yemesa 3:15

sinasinapu nidi gete nadigega nigeya galewega, ta esi tuga bale'u bubuninao 'adi yalakwaiya be Seitani 'ediyega.

1 Yoni 2:20

Ta 'omi taudi nigeya nadigega, manuna ni'atu Yaluyaluwa Tabuna 'igiesinapumi, ga 'enega mwalatoi yauna wasinapudi,

1 Kolinita 15:44

manuna bwala bale'u sisa'usa'u 'ali'aliyedi ta bwala galewa sitootoolo limana, manuna bwala bale'u dumadumana ta bwala galewa dumadumana.

1 Kolinita 2:12

Yaubada yaluyaluwana nigeya me bale'u yaluyaluwadi nadigega, ta esi Yaubada yaluyaluwana nina 'i'ebwa'eda, 'enega tanuwanuwa sabwalena 'ina obobomao 'edaya manudi.

Yoni 12:37

Ta Yesu ni'atu we'iwe'iyaya yaudi 'ie'ita 'ediya, ta tuwa tuga nigeya siemiemise.

Yoni 5:44

“'Omi nuwanuwami be taumi 'emiyega 'ami tupu wada nonodi, ta esi 'ami tupu Yaubada 'enega waguitoyasena. Nate 'alena nigeya kapekapeyana be waemisegu.

Madiu 16:23

Ta Yesu 'iasakowasi ga 'iona Pita 'enaya, 'igwae, “'Oyo Seitani, gete tuga 'upilisinegu! Geya'abo 'u'eto'etobodegu! 'Imu nuwanuwa tomota 'idi nuwanuwa, ta nigeya Yaubada 'ina nuwanuwa nadigega.”

Yoni 14:26

be ma'etamo tolema nina, 'agu esanega Yaubada 'ida etunenama, nate Yaluyaluwa Tabuna, tauna yage yauyauna 'ida e'itami, ta wate ona nidi maibo'adi yaonaedi 'ida gienuwa'i'isimi.”

Guinuwa 16:14

Ta 'ebweu waine 'ediyega 'ana esana Lidia, 'asa Tayataila wainena, ta Yaubada 'ana toemisa, ta 'ina paisewa nate 'ebweu 'oama esaesa 'ana toegimwane. Ta 'etamo iine nidi 'ima ona sinononoi, ga Yaubada emisa Lidia 'atenaya 'ienuwa sa'uyena, ga Paulo 'ina loguguya 'iemisena,

Yoni 8:43

To'ase manuna 'igu ona 'emiya nigeya wada nuwasabwalenidi? Nate manuna nigeya 'igu simana wada enono 'ai'ailina.

1 Kolinita 1:23

ta 'abo'ada esiya tetela nina taloguloguguyae, Keliso 'ina mwawasa kelose 'enaya namo manuna, ga 'enega me Yudia siguitoyasena, ta wate mali bodao tetela nina si'awa yage besobesoena.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

Guinuwa 25:19

ta taudi namo 'idi tapwalolo manuna sionaona, be 'ebweu tai ni'atu 'imwawasa, 'ana esana Yesu, ta Paulo 'isimasimana 'aene Yesu nina mayawasina 'imiyami.

Yoni 15:26

“Ta esi ma'etamo 'ami tolema nina Tamagu 'enega yada etunenama, tauna Yaluyaluwa 'esasena ta palupaluna Tamagu 'enega, be tauna 'ida etosimana manugu,

Guinuwa 18:15

ta esi nuwanuwa gete, taumi tuga 'imi onaona be esanao be loinao 'imi 'asega, 'enega taumi tuga wada loina. 'Abo'agu yaguitoyasa.”

Guinuwa 17:32

Ta pwalu tomwawasa 'idi toloolimana tetelina sinononaya, ga 'aina siedagi, ta 'aidi sigwae, “Nuwanuwama be ma'etamo nuwanuwa gete manuna 'uemwasala limana be 'anono.”

Yoni 10:20

Ga tomota yau wawasae sigwae, “Tauna yaluyaluwa bi'i 'enaya, ga 'igiekabaleyena. Geya'abo 'ina ona wanoonodi.”

Guinuwa 17:18

Ta 'aidi tosinasinapuyao wate, taudi sieesedi Epikulo, be 'aidi Sitoike wate, Paulo ma'enao sieonaona, ga 'aidi taudimo 'ediya siemwaemwasala, sigwae, “Na! Kabaleya nina to'ase 'ioneone?” Ta 'aidi sigwae, “Nai mali yaubadao manudi 'iloguloguguya.” Manuna sinononaya Yesu 'ina toololimana mwawasega manuna 'iloguloguguya.

Yoni 14:17

Ta me bale'u nigeya sawesawediya be Yaluyaluwa nina 'ena sitatagwala, manuna 'ana 'ita nigeya sida 'itena ta nigeya sida mwalatonina. Ta esi tolema nina wamwalatonina 'aene tuta yauyauna 'atemiya 'imiyami.

1 Kolinita 1:21

Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

1 Kolinita 1:25

Manuna to'ase Yaubada 'ina guinuwa nenetana nai gidalina, tomota 'abo'ada 'ida waiwai sinabwadi 'iewaiwai sinedi.

1 Kolinita 3:1

Ta tasigwao, nigeya kapekapeyana be mwalatoi 'ai'aila yasimana 'emiya, manuna yaluyaluwami nigeya simatumatuwa, ta 'imi nuwanuwa ma'etamo tuga me bale'u 'idi nuwanuwa nadigega. Manuna 'omi wae'ale tuga Keliso 'ana emisa 'enaya, 'atuwa gogama gidalidi nadigega.