1 Kolinita 2:10 - Loina Tabu Auwauna NT

¹⁰ Ta esi Yaluyaluwa Tabuna 'enega Yaubada mwalatoi nina ni'atu 'igieapwesena 'edaya, manuna Yaubada Yaluyaluwana yage maibo'ana 'imwalamwalatonidi, 'enega Yaubada 'ina nuwanuwa kwaikwaiyidi wate 'imwalatonidi.

1 Kolinita 2:10 Referans Kwoze

Yoni 14:26

be ma'etamo tolema nina, 'agu esanega Yaubada 'ida etunenama, nate Yaluyaluwa Tabuna, tauna yage yauyauna 'ida e'itami, ta wate ona nidi maibo'adi yaonaedi 'ida gienuwa'i'isimi.”

Epeso 3:5

Ta sinasinapu nina 'epatao taudi sigumwalaya nigeya simwalamwalatoni, ga gete tuga Yaluyaluwa Tabuna 'igieapwesena 'ina tosimanao esiesinuwadi be palopitao 'ediya,

Luke 10:21

Gote tuta nina 'enaya Yaluyaluwa Tabuna Yesu 'igiegwausowalena ga 'igwae, “Kagutoki Tamagu, 'oyo galewa be bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega ta esi gogama gidalidi 'ediya 'ue'itaena. Ona'ai'aila Tamagu, 'imu nuwanuwa gete bobo'ana.”

Epeso 3:3

Ta 'igu guinuwa gete sinasinapu lowa kwaikwaiyina, Yaubada tauna 'ana mwalatoi ni'atu 'ie'itegu, nadigega ya'etoladinawa 'imi leta kukupana 'ena,

Galetia 1:12

manuna nigeya tomota 'idi simanao nai 'idi e'itao 'ediyega, ta esi Yesu Keliso 'ina e'ita 'eguya 'enega.

Madiu 16:17

Ta Yesu Pita 'ieonena, 'igwae, “Saimoni, Yona natuna, 'oyo ona'ai'aila togwausowala 'ebweu, manuna 'imu mwalatoi gete nigeya tomota 'ediyega, ta esi Tamagu galewaya 'ina mwalatoiyega 'i'ebwa'emu.

Madiu 13:11

'Enega Yesu 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta boda getedi nigeya.

Yoni 16:13

Ta ma'etamo Yaluyaluwa 'esa'esasena 'imamai, tauna 'ida anuganemi yage palupaludi maibo'adi 'ediya. Ta tauna geya'abo 'ina nuwenuwega 'ionaona, ta esi to'ase nadigega 'inonodi 'ida onaedi, ta wate 'ida eonami yage matamiya manudi.

1 Pita 1:12

Ta Yaubada palopitao nidi 'ie'itedi 'aene onaupaupa nidi sigimi simanedi nigeya taudi manudi, ta 'omi esi manumi, ta yage nina lowa manuna siona ni'atu gete wanononodi, tetela bobo'ana 'ana tosimanao 'ediyega, nate Yaluyaluwa Tabuna galewega 'ina waiwaiyega. Ta yage nidi bobo'adi manudi sieonemi, aniloseyao galewaya nuwanuwadi be taudi wate sida mwalatoni.

1 Yoni 2:27

Ta mwalatoi nina ni'atu wamwalatonina, manuna Yaubada Yaluyaluwana ni'atu 'i'ebwa'emi, ga ma'emi wamiyami, ta 'ie'itemi. 'Enega nigeya 'ebweu wate tai sawesawenaya be 'ie'itami, ta esi Yaubada 'ina 'ebwaya 'enega mwalatoi yauna wasinapuna, nate mwalatoi 'ai'aila manuna. Yaubada Yaluyaluwana nigeya sawesawenaya be 'ikaboeda. 'Enega 'ina e'itao wamuliyedi, be Keliso ma'emi wamiyami, ta geya'abo wapilipilisine.

1 Kolinita 2:11

Tada nuwa'i'isi 'abo'ada tomota, manuna 'abo yaita tai ma ina nuwanuwa kwaikwaiyina, tai nina tauna yaluyaluwana 'imwalamwalatoni. Nadigega wate Yaubada Yaluyaluwana taunamo 'ina nuwanuwa 'imwalamwalatoni.

1 Yoni 2:20

Ta 'omi taudi nigeya nadigega, manuna ni'atu Yaluyaluwa Tabuna 'igiesinapumi, ga 'enega mwalatoi yauna wasinapudi,

1 Kolinita 14:30

Ta 'abo 'ebweuna tai tapwalolo solanaya 'imiyami be mwalatoi auwauna 'iloba, 'ida toolo be yage nina 'ida simana apwese, be tologuguya nina 'ida 'alaenono.

Luke 2:26

'Enega Yaluyaluwa Tabu nina 'ie'itena be 'aene geya'abo 'imwawamwawasa be 'ana laba To'etoseyana nina 'Inapwana 'enega 'ida 'ita bemi.

E'ita'ita 1:1

Buki gete 'enaya Yesu Keliso 'ina e'ita tetelina, Yaubada 'i'ebwa'ena be 'aene Yesu 'ida e'itae 'ina toguinuwao 'ediya be sida mwalatoni to'ase 'iabe 'iapwesama. Gete e'ita nina Yesu Keliso 'ina anilose 'ietunena, be 'ina 'ali'ei Yoni 'enaya 'ida simana.

1 Timoti 4:1

Yaluyaluwa Tabuna ni'atu 'isimana apwesa 'aene ma'etamo tuta 'ana 'ebe losalowa 'enaya 'aina tomota tapwalolo sida guitoyase, be yaluyaluwa to'umalidi be Taumudumudulele 'idi e'ita kabokaboyao sinonodi.

E'ita'ita 2:24

“Ta 'omi Me Tayataila nimi, 'abo bubuna to'umalidi getedi nigeya wamulimuliyedi, nai Seitani 'ina e'itao ni'uni'udi nigeya wamwalamwalatonidi, geya'abo wate 'aa'aala mwauna ya'ebwa'ebwa'emi.