1 Kolinita 15:34 - Loina Tabu Auwauna NT

³⁴ Nai 'aimi Yaubada waemwagemwageyena. Gete 'ebe omayamaya 'emiya, 'enega 'ilobwenemi be wada sinasinapu, be 'enega 'imi bubuna to'umalina wada losa'udi.

1 Kolinita 15:34 Referans Kwoze

1 Kolinita 6:5

Nate yage 'ebe omayamaya. 'Enega 'abo yaita 'emiyega nuwanuwana be gosiyana ma'iyana sietala, 'ilobwenedi be 'ebweu tomwalatoi boda ekalesiya 'enega si'ebesa, be tauna etala nina manuna 'ida loina.

Loma 13:11

'Enega gete tugai 'ilobwene 'ai'ailimi be nadigega wada guinuwa'esa, manuna tuta 'iabe 'igugumwala. Yesu ni'atu waemisena, 'enega geya'abo wa'eno'eno, ta esi wada yaweyawe, manuna tuta gidalina namo 'ena be 'ada To'etoseyana nina 'iapwesama.

Epeso 5:14

Gete manuna Buki Tabu 'ena 'igwae, “'Oyo to'eno'eno, mwawasega 'utoolo be Keliso 'ina maedana 'enega 'uda maedana.”

1 Kolinita 8:7

'Abo'ada 'ida emisa pa'alina, ta sa'i 'aina toekalesiyao 'idi emisao nenetadi, manuna sienuwanaluwa 'aene mali 'ebe bwagobwago wate 'ebe emisa 'ai'aila, 'enega 'abo tomota nidi 'ebe emisa kabokaboyao 'adi masula si'a'ani 'iabe simatauta 'ediya.

Loma 1:28

Gote 'enega geya nuwadi Yaubada 'ana mwalatoi, 'enega Yaubada 'ediya 'itagwala be nuwanuwa to'umalidi 'iloemaedi, 'enega yage nidi nigeya 'ilobwelobwenedi ta tuwa tuga siguinuwedi.

Yoni 8:11

Ga waine nina Yesu 'ieonena, “'Inapwana, nigeya 'ebweu yaita.” 'Enega Yesu 'iona limana, ga 'igwae, “O, 'abo'agu wate geya'abo yae'ewayo. Ta bobo'ana, 'utatauya, ta esi geya'abo 'uloeloegesi limana.”

Yoni 5:14

Tuta muliyega Yesu tai nina 'ilobena Anuwa Tabu solanaya, ga 'ieonena, 'igwae, “'U'ita ni'atu 'ubobo'ana, ta geya'abo wate to'umalina 'uguiguinuwe, 'abona nai yage to'umali wawasae 'emuya 'ida apwesa.”

1 Tesalonaika 4:5

ta geya'abo ma imi yalakwaiya, nadigega tomotai nidi Yaubada 'ana toemwagemwageyao.

Madiu 22:29

Ta Yesu enaida gete 'ie'isena, 'igwae, “Gete 'imi loegesi, manuna Buki Tabu nigeya wamwalamwalatoni, ta wate Yaubada 'ina waiwai nigeya wamwalamwalatoni.

Guinuwa 26:8

Ta mwa'adega ga 'imi nuwanuwa 'aene nigeya kapekapeyana be Yaubada tokwaiya 'igietoolo limadi, aga?

1 Kolinita 4:14

Ona gete ya'etoladinawa nigeya sabi gieomayamayaemi, ta esiya sabi giepaepalumi 'atuwa natu'ai'ailigwao 'omi.