1 Kolinita 14:37 - Loina Tabu Auwauna NT

³⁷ Ta wate 'abo yaita 'inuwena 'aene tauna Yaubada Yaluyaluwana 'enaya ga 'ina mwalatoi 'i'ebwa'ena, nugana 'ida gimimwalatoni 'aene 'igu ona leta gete 'enaya yaetunenawa, nate Yaubada 'ina loina 'emiya.

1 Kolinita 14:37 Referans Kwoze

1 Yoni 4:6

Ta 'abo'ada esi Yaubada 'enega tatubuwama, 'enega 'abo yaisigedi taudi Yaubada 'ana tomwalatoiyao 'enada sinonona, ta taudi nigeya Yaubada simwalamwalatoni 'enada geya'abo sinonona. 'Enega tamwalatonina 'aene yaluyaluwa kabokabona 'ediya 'imiyami, manuna 'eguma yaluyaluwa 'ai'aila 'ediya 'imiyami 'enada sida nono.

2 Kolinita 10:7

'Omi tomota 'adi 'ita namo 'ena wadunedune, ta to'ase 'atediya nigeya wamwalamwalatoni. 'Abo yaita 'ionalaga 'aene tauna Keliso 'ina boda, 'ida nuwa'i'isima 'aene 'abo'ama wate Keliso 'ina bodao,

Yude 1:17

Gosegwao, 'ida 'Inapwana Yesu Keliso 'ana tosimanao 'idi onaupaupa wanuwa'i'isi tuta nina sigwae, “Tuta 'ana 'ebe losalowa 'enaya 'aidi tomota bubuna palupaluna sida ona 'eeteteye, manuna taudi 'adi lotoona to'umalina 'enega sitatauya.”

2 Pita 3:2

ta Yaubada 'ina palopitao 'idi onao nuganuganidi wada nuwa'i'isidi, ta wate 'ida 'Inapwana, nate 'ada To'etoseyana, 'ina loina 'ana tosimanao loina nidi si'ebwa'emiya wate wada nuwa'i'isidi.

Galetia 6:8

'Eguma bubuna bwala 'enega 'iasowa, ma'etamo sesoi to'umalina 'iloba, ta 'eguma Yaluyaluwa Tabuna 'enega 'iasowa, ma'etamo yawasi ataya 'ida sesoni.

2 Kolinita 11:4

'Enega 'abo yaita 'iweewai be Yesu tetelina 'emiya 'iloguguya, ta nigeya 'abo'ama 'ima loguguya nadigega, tauna 'enaya watagwalemi tuga. 'Omi ni'atu tetela bobo'ana 'ena watagwalemi ga Yaluyaluwa Tabuna 'emiya walotoona, ta sa'i mali tetela be mali yaluyaluwa 'ediya watagwatagwalemi.

2 Kolinita 10:12

Geya'abo yaeonami be yagwae, “'Abo'agu Paulo 'igu bubuna bobo'ana,” nadigega 'aina tomota sigwae, “'Abo'ama 'ima bubuna gosemao 'idi bubuna 'ibobo'ana sinena.” 'Idi ona nidi 'atuwa uwauwadi sionaona.

1 Kolinita 8:2

'Enega 'abo tanuwena 'aene 'abo'ada tosinasinapu, nate nigeya tasinasinapu 'ai'aila,

1 Kolinita 7:40

Ta esi yanuwena 'aene 'abo waine nina tebweuna 'imiyami, be geya'abo 'iaiai limana, nate bobo'ana wawasae. Ta nai Yaubada Yaluyaluwana 'ina nuwanuwa gete nadigega.

1 Kolinita 7:25

Nigeya 'ebweu wate loina Yaubada 'i'ebwa'ebwa'egu gomagweineyao taudi nigeya siaiai manudi, ta esi 'iobobomegu ga nuwanuwa palupaluna 'i'ebwa'egu yage gete manuna.

Loma 12:3

'Abo'agu Yaubada 'enega 'atenuwa'ole'ole yalobena, 'enega 'ilobwenegu wate yada loguguya 'emiya be 'aene geya'abo wanuwanuwatu'e, ta esi ma imi mwalatoi wada nuwanuwa 'ai'aila, manuna 'ida emisa maibo'ana talobena Yaubada 'ina eguyai 'enega.

Luke 10:16

'Enega 'ana tomuliyao nidi 'ediya 'igwae, “'Eguma yaita 'imi ona 'inonodi, nate 'abo'agu 'igu ona 'inonona. Ta 'abo yaita 'iguitoyasemi 'abo'agu wate 'iguitoyasegu, ta wate 'agu Toetune nina 'iguitoyasena.”

1 Kolinita 2:15

Ta esi 'abo'ada yage maibo'adi tamwalamwalatonidi, to'ase bobo'ana ta to'ase to'umalina, 'enega nigeya 'ebweu yaita sawesawenaya be 'i'awa to'umaliyeda.

1 Kolinita 3:1

Ta tasigwao, nigeya kapekapeyana be mwalatoi 'ai'aila yasimana 'emiya, manuna yaluyaluwami nigeya simatumatuwa, ta 'imi nuwanuwa ma'etamo tuga me bale'u 'idi nuwanuwa nadigega. Manuna 'omi wae'ale tuga Keliso 'ana emisa 'enaya, 'atuwa gogama gidalidi nadigega.

1 Kolinita 14:29

Ta wate tologuguyao 'eluwa nai 'etoi sida ona, be 'enega maibo'ami 'idi ona nidi wada nonodi, be manudi wada nuwanuwa.

1 Kolinita 14:36

Ta geya'abo wanuwanuwatu'e 'aene taumimo 'emiya Yaubada 'ina ona 'iapweapwesa, nai taumimo 'emiya 'imiyami.

1 Kolinita 14:38

Ta 'abo yaita ona nidi geya nuwana, tuwa tuga 'ina emwagemwage nina 'enaya 'ida miyami.