1 Kolinita 14:2 - Loina Tabu Auwauna NT

² Ta 'ebweu wate egueguyai nina tomota 'ediya, nate mali 'enanao 'adi tala manudi. 'Abo mali 'enana 'ediyega taonaona, nate sa'i Yaubada namo 'enaya taonaona, ta nigeya tomota 'ediya, 'enega ona nidi 'adi mwalatoi tomota 'ediya kwanikwanina, be gete Yaluyaluwa Tabuna 'ina waiwaiyega mwalatoi kwaikwaiyina taonaonaedi, 'enega tomota nigeya sida nuwasabwalena.

1 Kolinita 14:2 Referans Kwoze

Maki 16:17

“Ta 'agu toemisao nidi we'iwe'iyaya waiwaidi sida guinuwedi, nate 'agu esanega yaluyaluwa bi'i tomota 'ediyega sida ula apwesedi, be 'enana dumadumadi be dumadumadi 'ediyega sida onaona,

Guinuwa 19:6

ga Paulo 'igidebedi ga Yaluyaluwa Tabuna 'ilugu 'ediya, ta 'ina waiwaiyega mali 'enana be mali 'enana 'ediyega siona apwesa, ta Yaubada manuna siloguguya.

1 Kolinita 13:2

Ta wate 'eguma 'abo'agu Yaubada 'ina tosimana, be ma igu sinasinapu sinabwana bale'u be galewa manudi, nai 'eguma yaemisa 'ai'aila Yaubada 'enaya be 'enega yaona 'oya 'ediya, kapekapeyana sitatauya mali senaya, ta 'abo nigeya oboboma 'ateguya, 'abo'agu tuga tai besobeso.

1 Kolinita 2:10

Ta esi Yaluyaluwa Tabuna 'enega Yaubada mwalatoi nina ni'atu 'igieapwesena 'edaya, manuna Yaubada Yaluyaluwana yage maibo'ana 'imwalamwalatonidi, 'enega Yaubada 'ina nuwanuwa kwaikwaiyidi wate 'imwalatonidi.

E'ita'ita 10:7

manuna 'abo anilose esebenina 'ina yoguli 'imu'ei, Yaubada 'ina nuwena kwaikwaiyidi maibo'adi 'ida losalonidi, to'ase nadigega 'ina topaisewao taudi palopitao lowa 'ediya 'isimanena.”

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

1 Timoti 3:9

ta 'ida tapwalolo 'ana mwalatoi kwaikwaiyina sida giyai'i'isi, ma idi nuwanuwa bobo'ana.

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

Epeso 6:19

be 'abo'agu wate manugu, be 'enega ma igu 'atepatu tetela bobo'ana 'ana mwalatoi kwaikwaiyina yaonaona apwese.

1 Kolinita 15:51

Ta wate mwalatoi auwauna yae'itami 'aene geya'abo toekalesiyao maibo'ada tamwawamwawasa, ta esi 'aida ma'etamo mayawasida tamiyami be Yaubada bwalada 'ida sa'ugelasedi.

1 Kolinita 2:7

ta esi mwalatoi nina Yaubada 'enega lowa kwaikwaiyina, ta gete tuga ni'atu 'igie apwesenama. Manuna muliyega be bale'u 'imweluluina, nugana nuwanuwana be 'ida 'ebe gwausowala nina 'ida 'ebwa'eda.

Loma 16:25

'Enega gete tuga Yaubada tada tupuna, manuna tauna sawesawenaya be 'igiepa'alimi, 'abo'agu 'igu loguguya 'enega, nate Yesu Keliso tetelina 'enega. Tetela gete gimi tutaya kwaikwaiyina,

Guinuwa 22:9

Ta taudi tuta gote 'ena ma'egwao maedana nina si'itena, ta tauna 'ieoneguya 'enana nigeya sinoono.

Maki 4:11

Ta Yesu 'igwae, “'Omi ni'atu Yaubada 'emiya 'i'ebwaya be 'ina loina sola'ai'ailidi 'ana tomwalatoiyao, ta esi tomota yaudi nuwa potapotadi ga onasemalimali sinono,

Madiu 13:11

'Enega Yesu 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta boda getedi nigeya.

1 Kolinita 14:16

'Abo yaita 'oyo yaluyaluwayo namo 'enega 'ulotuputupu, mali 'enanega, ta nigeya 'umwalamwalatoni, be gosemwao wate nigeya sinuwanuwa sabwalena, 'enega taudi geya'abo siloeimeni.

1 Kolinita 12:10

be 'ebweuna yage 'ebe nuwaowana 'ana guinuwa, be 'ebweuna loguguya, be 'ebweuna mali yaluyaluwao 'adi 'inana 'aene bobo'ana nai to'umalina, be 'ebweuna wate mali 'enana sawesawenaya be 'ediyega 'ioona, be 'ebweuna wate 'enana nidi 'ana gibui.

1 Kolinita 12:28

manuna 'ida guinuwao ekalesiya solanaya dumadumadi be dumadumadi, Yaubada 'ieguyaiyedi 'edaya, nugana taudi Keliso 'ana tosimanao, be muliyega Yaubada 'ina ona 'ana tologuguyao, muliyega toe'itao, be yage 'ebe nuwaowana 'adi toguinuwao, be togile'oasao, be tolemao, be toanuganao, be taudi mali 'enanao 'adi toonao.

1 Kolinita 13:1

'Eguma 'igu onao bobo'adi, 'atuwa tologuguyao be aniloseyao 'idi ona, ta 'abo oboboma nigeya 'ateguya 'imiyami, 'igu loguguya nidi yage besobeso, 'atuwa sinaa siunuunu besobeso, nai yoguli simu'emu'e besobeso.

1 Kolinita 14:26

Gosegwao, 'abo tapwalolo manuna walulugu, 'ebweu tai wali 'ida alalagasi, 'ebweuna 'ida e'ita, 'ebweuna lotoona auwauna 'ida simana apwese, be 'ebweuna mali 'enana 'enega 'ida ona, be 'ebweuna ona nina 'ida gibuni, be 'enega guinuwa nidi 'ediyega boda sida lemedi.