1 Kolinita 14:16 - Loina Tabu Auwauna NT

¹⁶ 'Abo yaita 'oyo yaluyaluwayo namo 'enega 'ulotuputupu, mali 'enanega, ta nigeya 'umwalamwalatoni, be gosemwao wate nigeya sinuwanuwa sabwalena, 'enega taudi geya'abo siloeimeni.

1 Kolinita 14:16 Referans Kwoze

E'ita'ita 5:14

'Enega yobai nidi site ata sigwae, “Nadigega,” ta wate 'inapwanao nidi sibe'u sanamwa'uta, ga sibwagobwago.

1 Kolinita 11:24

ta 'ilokagutoki Yaubada 'enaya ga 'igitomwena, ta 'igwae, “Gete oogu 'omi 'ami 'etoseyana manuna. 'Enega gete nadigega wada guinuwa'esa 'agu 'ebe nuwa'i'ita manuna.”

E'ita'ita 7:12

sigwaegwae, “Ona'ai'aila, 'ida Yaubada nina 'ena tada lotuputupu, be 'awa esaesa be mwalatoi be lokagutoki be 'amayaba be waiwai sida miyaataya 'enaya.”

E'ita'ita 22:20

Ona gete 'ana tosimana 'igwae, “Tamo! Gete be yawawa.” “Nadigega 'inapwana, 'uda ma, 'oyo Yesu.”

1 Kolinita 16:24

Ta wate 'igu oboboma Yesu Keliso 'ana esanega 'iweewai maibo'ami 'emiya. 'Abo'agu Paulo.

1 Kolinita 14:14

Manuna 'abo mali 'enana 'enega yasidasida, 'enana nina 'ana mwalatoi nigeya yamwalamwalatoni, manuna yaluyaluwagu namo 'isidasida, ta esi 'igu onao nidi nigeya yamwalamwalatonidi, to'ase manudi yaonaona.

1 Kolinita 14:2

Ta 'ebweu wate egueguyai nina tomota 'ediya, nate mali 'enanao 'adi tala manudi. 'Abo mali 'enana 'ediyega taonaona, nate sa'i Yaubada namo 'enaya taonaona, ta nigeya tomota 'ediya, 'enega ona nidi 'adi mwalatoi tomota 'ediya kwanikwanina, be gete Yaluyaluwa Tabuna 'ina waiwaiyega mwalatoi kwaikwaiyina taonaonaedi, 'enega tomota nigeya sida nuwasabwalena.

Guinuwa 4:13

Ga toloinao nidi si'itena Pita be Yoni 'idi 'atepatu, ta simwalatonina 'aene taudi tuga tomiya 'asa, ta 'ebe sikulu sinabwana 'ediya nigeya silugulugu, 'enega sinuwaowana ta sinuwa'i'isina 'aene lowa Yesu ma'ediya simiyami.

Yoni 21:25

Ta ona'ai'aila, Yesu 'ina guinuwa yau wawasae simiyami, ta 'abo 'ina guinuwao nidi maibo'adi ta'etoladidi, yanuwena bale'u maibo'ana buki daisinamo, be geya'abo tetelina taloeloegumwali.

Yoni 7:15

'Enega me Yudia gote 'ena nuwadi 'iowana sinabwana ga sigwae, “Mane 'enega tai gete 'ina mwalatoi 'ilobena? Tauna nigeya 'ebweu 'ebe sikulu sinabwana 'ena 'ilugulugu.”

Maki 16:20

Ta 'enega sitauya sena yauyaudi 'ediya ga Yesu tetelina siloguguyaena, ta sa'i 'Inapwana ma'edi siguiguinuwa ga 'ina waiwaiyega guinuwa 'ebe nuwaowanao siguinuwedi, ga 'enega tomota tetela nina siemisena.

Madiu 28:20

Ta loina maibo'ana ni'atu ya'ebwa'emi wae'itadi be taudi wate sida muliyedi. Ona'ai'aila, 'abo'agu ma'emiya yada miyami tuta yauyauna, batuwa ga 'ana laba bale'u 'ana 'ebe losalowa 'enaya.”

Madiu 6:13

Ta geya'abo 'utootooma, ta esi tauna toto'umalina nina 'enega 'uda 'etoseyema.”

Madiu 15:36

Ga beledi sebeni be iyana nidi 'i'ewedi ga manudi 'iona lokagutoki Yaubada 'ena ga 'igitomwedi, ta 'i'ebwa'edi 'ina tononoyao 'ediya, ga taudi sieguyaiyedi boda nidi 'ediya.

2 Kolinita 1:20

Manuna Yaubada 'ina onaoboboma maibo'adi 'itagwala Yesu namo 'enega. 'Enega Yesu nina 'ana esanega taloeimeni, ta Yaubada tatupuna.