1 Kolinita 12:6 - Loina Tabu Auwauna NT

⁶ ta 'aledi 'ebweuna namo tuga, nate Yaubada, manuna tauna yage maibo'adi 'adi guinuwao 'igieapwesedi.

1 Kolinita 12:6 Referans Kwoze

1 Kolinita 12:11

Egueguyai getedi yaluyaluwa Tabuna tauna 'iesinuwa, ga 'ieguyai 'ebweuna 'ebweuna 'edaya, ta 'i'ebwa'eda be nadigega tada guinuwa'esa.

1 Kolinita 3:7

'Enega Yaubada taunamo tada tupu, ta 'abo'ama geya'abo. Manuna 'abo'ama toasowa be to'ita'i'ita.

Yoni 5:17

Gote 'ena Yesu me Yudia nidi 'ieonedi, 'igwae, “Tamagu 'asiyata maibo'ana 'ediya 'ipaipaisewa, 'enega 'abo'agu wate nadigega.”

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.

Epeso 4:6

Tamada Yaubada 'ebweuna namo tuga, ta yage yauyauna etanidiya, ta wate yauyauna 'ediya, ta maibo'ada 'edaya.

Ibeliu 13:21

Ga Yaubada yage yauyauna bobo'adi 'i'ebwa'emi, be 'ediyega 'ina nuwena wada muliya 'ai'aili, be 'enega Yesu Keliso 'ina guinuwega Yaubada 'ida giebobo'anemi to'ase nadigega 'ina nuwanuwa, be manumi 'ida gwausowala. 'Enega Keliso nina tada tupu atae. Eimeni.

Kolose 1:29

Gete manuna 'abo'agu yaetaetapewa, ta yaewaiwai, tauna 'ina waiwai 'ateguya 'i'ebwa'eguya 'enega.

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

1 Kolinita 15:28

'Enega ma'etamo tuta nina Keliso yage maibo'adi 'iloinedi, tauna 'itatagwala Tamana 'ina loina 'ena, manuna Tamanana Keliso 'ina loina maibo'ana 'ana to'ebwaya, 'enega Yaubada nina 'ida 'etoloetana sana.

1 Kolinita 12:5

'Ida 'Inapwana nina wate 'ebweuna namo, ta esi 'ina paisewa taguiguinuwedi dumadumana be dumadumana,