1 Kolinita 1:1 - Loina Tabu Auwauna NT

^1-2 'Abo'agu Yaubada 'iesinuwegu be 'aene Yesu Keliso tetelina 'ana tosimana, 'omi me Kolinita toekalesiyao 'imi leta gete tasidai Sositeni 'ilemegu ga ya'etoladinawa, manuna 'omi ni'atu Yesu Keliso 'igie'esasemi ga 'ina boda esiesinuwadi 'ediya waluguma ga wamiyami, taudi wate Yesu Keliso 'ana esanega ma'emiyao wa'awa'awanoi, taudi sena maibo'ana 'ediyega ma'edao 'ida 'Inapwana 'ebweuna tuga, tauna Keliso.

1 Kolinita 1:1 Referans Kwoze

Loma 1:1

'Abo'agu, Yesu Keliso manuna yaetopaisewa, ta Yaubada 'iesinuwegu be 'ina tetela bobo'ana manuna yada etosimana.

Epeso 1:1

Kagutoki toekalesiyao 'omi Yesu Keliso 'ana toemisao, 'imi leta gete 'abo'agu 'eguyega. Yaubada 'ina nuwena 'enega yaetosimana To'etoseyana Yesu manuna.

2 Kolinita 1:1

Kagutoki me Kolinita 'omi Yaubada 'ina toekalesiyao, be 'omi wate Yaubada 'ana toemisao sena Akaya maibo'ana solanaya, 'imi leta gete tasidai Timoti 'ilemegu ga 'a'etoladinawa, 'abo'agu Paulo 'eguyega, manuna Yaubada 'ina esinuwega yaetosimana Yesu Keliso manuna.

Kolose 1:1

'Abo'agu Yaubada 'ina esinuwega yaetoguinuwa Yesu Keliso manuna, ta tasidai Timoti 'ilemegu ga 'imi leta gete ya'eto'etoladinawa,

Guinuwa 18:17

Ta pwaluyao Sositeni sigiyaina, tauna me Yudia 'idi anuwa tapwalolo 'ana to'ita'i'ita, ga siunu dadanena Galio 'ina 'ebe etala matanaya, ta Galio nina nigeya wate manudi 'inuwanuwa.

2 Timoti 1:1

Kagutoki natu'ai'ailigu 'oyo Timoti, 'imu leta gete 'eguyega. 'Abo'agu Yesu Keliso 'ana tosimana, nadigega Yaubada 'ina nuwanuwa ga yaetosimana yawasi bobo'ana Yesu Keliso 'enega manuna. Tamada Yaubada be 'ida 'Inapwana Yesu Keliso ma idi oboboma sida 'atenuwa 'ole'oleyeyo be 'enega 'uda miya gwausowala.

1 Timoti 2:7

'Enega 'igu paisewa 'i'ebwa'egu be tetela gete yasimasimana be yaloguguya be yae'ie'ita taudi nigeya me Yudia 'ediya, be 'aene mwalatoi 'ai'aila Yaubada 'enega sida emise. Gete ona 'ai'aila, ta nigeya kabo.

1 Timoti 1:1

Kagutoki Timoti. 'Imu leta gete 'eguyega 'iweewa. 'Ada To'etoseyana nina Yaubada be Yesu Keliso 'idi loinega, Keliso manuna yaetosimana, manuna Keliso 'ena taemiemisa 'ada 'etoseyana manuna.

Epeso 4:11

Ta 'ina egueguyai gete nadigega, 'aina tomota sietosimana be 'aidi siepalopita be 'aidi sietologuguya be 'aidi sietoanugana be 'aidi sietoe'ita.

Galetia 1:1

'Abo'agu Yesu Keliso 'ina tosimana 'ebweu, ta 'igu etosimana nigeya tomota 'idi esinuwega, ta Yesu 'ina esinuwega, be Tamada Yaubada wate. Tauna Yesu mwawasega 'igietoolo limena.

Guinuwa 22:21

'Enega 'Inapwana nina 'ieonegu, “Gete 'enega 'uapwesa be 'iabe yaetuneyo be 'utatauya 'asa 'edasolaya, taudi nigeya me Yudia 'ediya.”

Yoni 15:16

“Ta wada nuwa'i'isi 'aene 'omi nigeya waesiesinuwegu be yada e'inapwana 'emiya, ta esi 'abo'agu yaesinuwemi be yada etunemi be wada paisewa, ta 'imi paisewa nina 'enega uwami bobo'ana sida apwesa, ta uwami nidi sida miyaataya. Ta wate 'abo to'ase 'agu esanega wasidei, Tamagu 'ida 'ebwa'emi.

2 Kolinita 12:12

We'iwe'iyaya nidi matamiya ma igu e'alama'i'ita yaguinuwedi, nate yage 'ebe nuwaowana ta guinuwa waiwaidi, be 'ediyega wada mwalatonigu 'aene 'abo'agu Keliso 'ana tosimana 'ai'aila.

2 Kolinita 11:5

'Imi tologuguyao auwaudi 'omi wanuwena 'aene siloetana sinegu, ta esi nigeya sawesawediya.

1 Kolinita 15:9

Ta wate 'abo'agu tai to'umaligu. Manuna Yaubada 'ana toemisao yagie'elouyaedi 'enega Keliso 'ana tosimanao maibo'adi sibobo'ana sinegu.

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Guinuwa 1:2

tuta nina bale'uya 'imiyami 'ana laba Yaubada 'i'au'ewa tu'eyena galewaya. Yesu nina 'ina mwawasa mulinaya, mayawasina 'iapwesa 'ana tosimanao esiesinuwadi 'ediya, ga Yaluyaluwa Tabuna 'ina waiwaiyega 'adi loina 'i'ebwa'edi.

Yoni 20:21

Ta Yesu wate 'ediya 'igwae, “Geya'abo wamatamatauta. Tamagu tauna 'ietuneguma, ta 'abo'agu wate nadigega yada etunemi.”

Luke 6:13

'Enega tomwa 'iulisina ga 'ina tononoyao 'ibwauyedi ga 'ediyega site tuwelo 'iesinuwedi ga 'ieesedi tosimanao.

Guinuwa 1:15

Boda nidi 'adi yau nadigega wani analedi be tuweniti, ga 'ebweu 'asiyata 'enaya Pita gamwagamwanidiya 'itoolo ta 'ieonedi, 'igwae,

Loma 1:10

'Igu sidasida manumi tuta yauyauna 'aene 'abo kapekapeyana yawawai be yayausimi, 'abo gete Yaubada 'ina nuwena nadigega.

2 Kolinita 8:5

'Abo'ama 'ima nuwanuwa nadigega be sida 'ebwayadaita, ta ona'ai'aila 'idi 'ebwayadaita nina sinabwa wawasae, manuna 'Inapwana 'ena sitagwaledi nugana, 'enega wate sitagwaledi 'emaya nadigega Yaubada 'ina nuwanuwa.