Makuh 15:19 - Dai Cangcim Kthai

¹⁹ Cung am a lu üng kpai u lü ami msawh, ami mkhuk am ngdäng u lü sawkhahkia ngsaihkie.

Makuh 15:19 Referans Kwoze

Makuh 14:65

Avang naw ami mci am msawh u lü, avang naw a mik hlawp u lü pung u lü, “U naw ning pungki ni?” ami ti. Ngängki he naw ami kut am ami kbeih.

Hebru 13:13

Acunakyase, ania venak kpung da cit lü ania hmaisetnak cun mi yümei püi vai u.

Philipih 2:10

Acunakyase, Jesuha ngming leisawng lü khankhawa awmki he, khawmdeka awmki he ja khawmdeka kea awmki he naküt naw, ami mkhuk am ngdäng law u lü,

Romah 11:4

Acunüng, Pamhnam naw ihawkba jah a msang be? “Am dawkia Baal mhnam am mküimtokiea khyang thawng khyüh ka phäha ka jah taki” ti lü a msang.

Luhka 23:36

Yekap he naw pi yaiha ami pawh a veia capyit jukthui lawpüi u lü, peki he naw,

Luhka 23:11

Herod la a yekap he naw Jesuh hmumsit u lü yaiha pawh u lü jinu akyäp cang suisaki he naw Pilata veia ami tüih be.

Luhka 22:63

Jesuh ngängki he naw yaiha pawh u lü ami kpaih.

Makuh 10:34

Acun he naw yaihei khai he, msawh khai he, kpai khai he, hnim khai he; Cunsepi amhmüp kthum üng tho law be khai,” a ti.

Makuh 9:12

Jesuh naw, “Elijah cun law ma kung lü avan jah pyangtham law be khai. Ise cangcim naw Khyanga Capa mah u se aktäa khuikha khai a ti ni?

Mahte 27:30

Msawh lü ksawngkhe lokie naw a lu üng ami kpai.

Makuh 15:18

Acunüng, “Judah hea Sangpuxang, na xünnak saü se,” ti u lü ngpyangki he.

Makuh 15:20

Acukbaa ami yaihei law päng üng Bawi jihnu lo be u lü amäta suisak kphyüm msuimsak beki he naw kutlamktung üng ami taih vaia ami cehpüi.