Zefania 2:8 - Digo Bible

⁸ “Nkasikira ufyozi wa Amoabu na Aamoni anyetavyo vira ambavyo osi afyorera atu angu, na kudzikarya kukala andahala tsi yao.

Zefania 2:8 Referans Kwoze

Amosi 1:13

Mwenyezi Mlungu anaamba, “Kpwa sababu atu a Amoni akahenda dambi vivyo kpwa vivyo, ni niatiye adabu. Wakati anapigana ili kupanula miphaka yao, aahula achetu a mimba a Giliadi.

Jeremia 49:1

Kuhusu Aamoni, Mwenyezi Mlungu anaamba: “Dze Iziraeli taina ana a chilume? Ikale taina mutu wa kurisi? Ni kpwa utu wani atu anaoabudu Milikomu ahale tsi ya Gadi na asagale kahi ya midzi ya Gadi?

Ezekieli 36:2

Mwenyezi Mlungu anaamba hivi: Maadui genu gafwahirwa gachiamba, “Mo mwatu mwa dzulu mwa kare vivi mukakala mwehu.” ’

Joshuwa 5:9

Ndipho Mwenyezi Mlungu wamuamba Joshuwa, “Rero nkakuusirani waibu wa utumwa wa Misiri.” Kpwa hivyo phatu hipho phaihwa Giligali hadi rero.

Isaya 15:1

Huno ni ujumbe kuhusu Moabu: Moabu ikasira, mana mudzi wa Ari ukaangamizwa usiku mmwenga. Moabu ikasira, mana mudzi wa Kiri ukaangamizwa usiku mmwenga.

Isaya 16:6

Hukasikira Moabu inavyodzikarya, irivyo na ngulu kutsupa chiasi, ela kudzikaryakpwe si chitu.

Jeremia 12:14

Mwenyezi Mlungu anaamba hivi kuhusu majiranige ayi arioapha urisi atue Iziraeli, “Lola, nindaausa kula tsi yao, nami nindaausa atu a Juda kula kahi yao.

Sonono za Jeremia 3:61

Ee Mwenyezi Mlungu, ukasikira kulaphiza kpwao, na mipango yao yosi mii chinyume changu.

Ezekieli 21:28

“Nawe mwanadamu, lavya unabii uambe, ‘Mwenyezi Mlungu anaamba hivi kuhusu Aamoni na vyo alaphizavyo Aiziraeli, amba: Upanga, upanga watuluzwa chowani kuolaga, ukanolwa ili uangamize, na kumeka dza limeme.

Amosi 2:1

Mwenyezi Mlungu anaamba, “Kpwa sababu atu a Moabu akahenda dambi vivyo kpwa vivyo, ni niatiye adabu. Aho aocha mifupha ya mfalume wa Edomu hadi ivure richikala dza chokaa.

Zefania 2:10

Higo gandakala maripho ga ngulu zao kpwa kukala afyola na achidzikarya chinyume cha atu a Mwenyezi Mlungu, Mlungu wa majeshi.

Mwandzo 19:37

Mwanawe mchetu mvyere wadzivugula mwana mlume na achimuiha Moabu. Iye ndiye mkarengbwa wa Amoabu hadi rero.

Mwandzo 19:38

Yuya mwanawe mchetu mdide naye wavyala mwana mlume, achimuiha Beni-Ammi. Beni-Ammi ndiye mkarengbwa wa Aamoni hadi rero.

Jeremia 48:1

Kuhusu Moabu. Mwenyezi Mlungu, Mlungu wa majeshi, Mlungu wa Iziraeli anaamba, “Shaka hiro mwi atu a Nebo, mana mudzi uho ukabanangbwa! Mudzi wa Kiriathaimu ukatiywa waibu na kuhalwa mateka; ngome zindaphahwa ni waibu na kubomolwa.

Ezekieli 25:1

Mwenyezi Mlungu wagomba nami achiamba,

Ezekieli 35:12

Nawe undamanya kukala mimi Mwenyezi Mlungu, nkasikira kulaphiza kosi urikogomba chinyume cha myango ya Iziraeli, uriphoamba, “Ikahendwa magandzo na nikahewa mimi niibanange.”