Zefania 2:14 - Digo Bible

¹⁴ Mifugo ya chila aina indakala mumo na chila aina ya nyama a tsakani. Vimburu vindalala dzulu ya magandzoge, vindarira mo madirishani. Makunguru gandarira vizingitini. Mapambo ga mierezi gandarichwa phereru.

Zefania 2:14 Referans Kwoze

Amosi 9:1

Kpwenye ruwiya yanjina Námuona Mwenyezi Mlungu aimire phephi na phatu pha kulavira sadaka, naye achiniamba, “Piga vyo vitswa vya nguzo hata misingiye isumbe, na uzivundze vipande-vipande dzulu ya vitswa vya atu osi na hinyo ndiosala ndaaolaga kpwa upanga. Taphana mutu ndiyechimbira, taphana ndiyetiya.

Jeremia 22:14

Iye aambaye, ‘Ndadzenga dzumba kulu ra gorofa ririro na vyumba vikulu vyenye nafwasi, nivitiye madirisha na nifwinike kutaze na mbao za muerezi chisha niipake rangi ya kundu.’

Maono 18:2

Naye achigomba na raka ra dzulu, achiamba, “Mudzi mkpwulu wa Babeli ukagbwa, nyo mudzi mkpwulu he, ukagbwa! Mudzi hinyo vivi ukakala makalo ga chila aina ya mashetani na pepho. Piya ukakala phatu pha chila aina ya nyama a mapha achafu asiolondwa ni atu.

Isaya 14:23

“Nndaihenda ikale makalo ga vinungumariya na madzi-madzi dza bura. Ndaiphyera na lihago ra kubananga chila chitu,” Mwenyezi Mlungu, Mlungu wa majeshi anaamba.

Zefania 2:6

Tsi yenu ya pwani indahendwa weru wa kurisa na kudzengbwa vibanda vya arisa na vyaa vya mangʼondzi na mbuzi.

Zaburi 102:6

Nkakala dza chimburu cha weruni, dza chimburu chiricho phatu photsamwa.