Zefania 1:14 - Digo Bible

¹⁴ Siku kulu ya Mwenyezi Mlungu i phephi, na iredza wangbwi sana. Indakala siku ya utsungu munji hata masujaa enye, andarira.

Zefania 1:14 Referans Kwoze

Malaki 4:5

Lolani nindamhuma nabii Elija edze kpwenu kabila ya iyo siku ya Mwenyezi Mlungu kpwedza. Siku iyo indakala kulu na ya kuogofya.

Ezekieli 30:3

Mana yo siku i phephi, yo siku ya Mwenyezi Mlungu i phephi. Indakala siku ya maingu, wakati wa atu a mataifa kuphaha tabu.

Zefania 1:7

Nyamalani mbere za Mwenyezi Mlungu, kpwa kukala siku ya Mwenyezi Mlungu i phephi. Mwenyezi Mlungu akatayarisha sadaka na arioaalika akaatakasa.

Joeli 2:11

Mwenyezi Mlungu analongoza jeshire na mngurumo. Majeshige galungago malagizoge gana nguvu na tagaolangika. Iyo siku ya Mwenyezi Mlungu ni kulu tsona ya kutisha. Ni ani awezaye kuivumirira?

1 Athesalonike 4:16

Mana Bwana Jesu mwenye andatserera kula mlunguni na kulavya malagizo kpwa sauti kulu. Sauti ya malaika mkpwulu indasikirwa na gunda ra Mlungu rindapigbwa. Nao ndiofufuka mwandzo andakala hara ariofwa na kuno anamkuluphira Jesu.

Ezekieli 7:12

Wakati hinyo uredza na siku ikafika phephi. Mguli naasihererwe kpwa kuphunguzirwa bei na aguzaye asisononeke kpwa kuphaha hasara, mana Mlungu akatsukirirwa atu osi.

Isaya 33:7

Lolani, masujaa enu anakota kululu njira-njira kulonda msada. Ajumbe enu atarajiya amani ela achiuya kaya na chiriro.

Isaya 15:4

Atu a Heshiboni na Eleale anarira sana na sauti zao zinasikirwa hadi kufika Jahazi. Kpwa sababu iyo anajeshi a Moabu achiotsukula silaha anakota kululu kuno anakakama kpwa wuoga.

Jakobo 5:9

Msinungʼunikirane sedze mkaamulwa. Lolani! Muamuli mkpwulu a pho mryangoni!

Mahendo 2:20

Kabila ya kufika siku iyo kulu muhimu ya Mwenyezi Mlungu, dzuwa rindagbwirwa rikale jiza na mwezi nao undagbwirwa ukale kundu dza mlatso.

Joeli 1:15

Siku ya Mwenyezi Mlungu indakala ya kutisha nayo i phephi, nayo indakpwedza na ubanangi kula kpwa Mwenye Nguvu Zosi.

2 Petero 2:3

Alimu aha a handzo ana ndani kulu, nao andakuchengani-chengani na adisi za handzo ili aphahe pesa zenu. Ela hangu kare Mlungu a tayari kuaamula, nao bila shaka andaangamizwa.

Amosi 8:2

Iye achiniuza achiamba, “Amosi, unaonani?” Nami nchimuamba, “Naona chikaphu cha matunda maivu.” Ndipho Mwenyezi Mlungu achiniamba, “Mwisho wa atu angu Aiziraeli ukafika, sindagaluza nia yangu kuhusu kuatiya adabu.

Joeli 2:31

Dzuwa rindagbwirwa rikale jiza na mwezi nao undagbwirwa ukale kundu dza mlatso, kabila siku kulu na ya kutisha ya Mwenyezi Mlungu kufika.

Zefania 1:10

Mwenyezi Mlungu anaamba, “Siku hiyo, kundasikirwa chiriro kula Ryango ra Ngʼonda, chiriro chindasikirwa kula Lalo ra Phiri, na msindo mkpwulu undasikirwa kula mryangoni.

Joeli 3:16

Mwenyezi Mlungu andanguruma kula Sayuni, mngurumowe undasikika kula Jerusalemu. Mlunguni na duniani kundasumba, ela Mwenyezi Mlungu andakala chimbiriro kpwa atue na ngome kpwa Aiziraeli.

Joeli 2:1

Pigani gunda ko Sayuni; kotani kululu dzulu ya mwango wangu mtakatifu. Osi asagalao tsi ya Juda naakakame mana siku ya Mwenyezi Mlungu iredza nayo i phephi.

Ezekieli 12:23

Uwe aambire hivi, ‘Mwenyezi Mlungu anaamba: Ndarira iyo nindaikomesa asiihumire tsona phapha Iziraeli.’ Ela aambire siku chache zedzazo chila ruwiya indatimizwa.

Jeremia 48:41

Midziye indahalwa mateka na ngomeze zindainjirwa. Siku iyo mioyo ya masujaa a Moabu indakala dza ya mchetu ariye na utsungu wa uvyazi.

Jeremia 30:7

Wee! Siku iyo ni ya kutisha sana takuna dza iyo undakala wakati wa kuteseka kpwa Jakobo, ela andativywa na gago.”

Jeremia 25:36

Sikiza vyo arisa ariravyo, na chiriro cha nyo vilongozi a vyaa! Mana Mwenyezi Mlungu anabananga marisa gao,

Isaya 66:6

Phundzani zo kululu zilazo mo mudzini! Phundzani zo kululu zilazo mo nyumba ya kuvoya Mlungu! Ni sauti ya Mwenyezi Mlungu, anaariphiza maaduige.

Aeburania 12:26

Wakati hinyo, Mlungu ariphogomba, sautiye yasumbisa dunia. Ela vivi walaga achiamba, “Ndasumbisa dunia tsona, ela safari ihi sindasumbisa dunia macheye, ndasumbisa hata ko mlunguni.”

Afilipi 4:5

Chila mutu naamanye kukala mu a pole. Piya mmanye kala Bwana Jesu a phephi na kuuya.

Isaya 8:22

na hipha duniani ela andaona shida tuphu na jiza, tabu sana na chilungulungu cha jiza.

Ezekieli 7:16

Na nyo ndiotiya andachimbirira myangoni, ambako andarira dza njiya a deteni; chila mmwenga andakala anasononekera dambize.

Joeli 3:14

Makundi-makundi ga atu ganagodza hiko Dete ra uamuli, mana siku ya Mwenyezi Mlungu kpwedza hiko Dete ra uamuli i phephi.

Jeremia 46:5

Dze, mino naonani? Naaona akainjirwa ni wuoga, nao anauya nyuma. Masujaa gao gakashindwa, ganachimbira mairo, bila kulola nyuma, chisha chila phatu phanaogofya!” Mimi Mwenyezi Mlungu nkaamba.