Zefania 1:11 - Digo Bible

¹¹ Rirani mwimwi mkalao lalo ra Makiteshi mana achuuzi enu osi taako tsona, apimadzi osi a feza akaolagbwa.

Zefania 1:11 Referans Kwoze

Jakobo 5:1

Sambi phundzani mwi matajiri, nakuambirani, rirani na mjute sana kpwa sababu ya mashaka ndigokuphahani!

Ezekieli 21:12

We mwanadamu, kota kululu urire kpwa utsungu mana upanga u chinyume cha atu angu chinyume cha vilongozi osi a Iziraeli. Akalaviwa aolagbwe na upanga phamwenga na atu angu, kpwa hivyo dzihike mikono ya chitswa kpwa kuangalala.

Jeremia 25:34

Rirani na mmwagikpwe ni matsozi mwi arisa, lalani ivuni mwi vilongozi a cho chaa. Mana nyo wakati wa kutsindzwa ukafika mundagbwa na mvundzike-vundzike dza nyungu nono.

Johana 2:16

Chisha achiagalukira hara aguzao njiya, na achiaambira kpwa usiru, “Tuluzani vitu vyenu! Nyumba ya Baba msiihende chete!”

Joeli 1:13

Mwi alavyadzi-sadaka, vwalani magunia, kotani kululu mwimwi muhendao kazi phatu pha kulavira sadaka. Ndzoni mchese kuno mkavwala magunia mwi ahumwa a Mlungu wangu! Mana takuna arehaye tsona sadaka za mtsere wala za chinwadzi nyumbani mwa Mlungu wenu.

Joeli 1:5

Lamukani mwi alevi mrire, kotani kululu mwi mmendzao kunwa uchi muphya wa zabibu mana tamundaunwa tsona.

Hosea 9:6

Hata akatiya, asibanangbwe ni Aashuru, chisha andakusanywa ni Amisiri, na andazikpwa ko Memufisi. Vitu vyao vya feza vindalingbwa-lingbwa ni miya, miya indamera na kubwiningiza mahema gao.

Jeremia 4:8

Kpwa hivyo vwalani magunia, sononekani na mrire, mana tsukizi siru za Mwenyezi Mlungu tazidzangbwehuukira.”

Ayubu 27:16

Dzagbwe anakusanya feza dza vumbi, na kudziikira nguwo nyinji dza ndulu ya ulongo,

Ayubu 27:17

iye andaikusanya ndulu, ela a haki andazihumira, na asio na lawama andaganya zo feza.

Zefania 2:5

Shaka hiro mwi atu kula Kerethi msagalao pwani kulunga-lunga bahari. Neno ra Mwenyezi Mlungu ri chinyumecho uwe Kanani, yani tsi ya Afilisti. Ndakuangamiza na taphana hata mutu ndiyesala kpwenye tsiiyo.

Zakariya 14:21

Na chila nyungu mo Jerusalemu na Juda indakala takatifu kpwa Mwenyezi Mlungu, Mlungu wa majeshi, ili osi alavyao sadaka aweze kpwedzahala bazi ya zo nyungu ajitire nyama chizolaviwa sadaka. Siku iyo tamundakala na Mkanani mo nyumba ya Mwenyezi Mlungu wa majeshi.