Zakariya 9:13 - Digo Bible

¹³ Mana Juda nkaiphinda dza uha wangu; na Efuraimu nkaipharika dza muvwi. Nindaasunganya atuo, uwe Sayuni, na kuahenda dza upanga wa viha wa sujaa apigane na atuo, uwe Uyunani.

Zakariya 9:13 Referans Kwoze

Maono 17:14

Andaungana naro kupigana viha na Mwana ngʼondzi. Ela Mwana ngʼondzi na atue andaaturya mana iye ni Bwana wa mabwana na Mfalume wa afalume. Nao atue ni hara arioihwa na kutsambulwa ni Mlungu, nao ni aaminifu.”

Isaya 49:2

Iye wahenda kanwa yangu ikale dza upanga wa kurya. Achinifwitsa na chivurivuri cha mkpwonowe, na achinihenda nikale dza muvwi uchionolwa, chisha achinifwitsa kpwenye ryakare.

Zakariya 1:21

Nami nchimuuza ye malaika nchimuamba, “Atu hano akedzahendani?” Naye achinijibu achiamba, “Hinya akedza ogofyera na kuangamiza zira pembe ne ambazo ni mataifa ganjina garigotsamula na kutiya waibu atu a Juda.”

Zaburi 45:3

Tsomeka upangao chibiruni, uwe sujaa, mana una nguma na utukufu.

Maono 19:21

Hiye mutu yekala asegere dzulu ya farasi, wahumira upangawe utulukao kula kanwani kuolagira majeshi garigosala. Na nyo nderi achirya zo nyama hata achisinywa.

Maono 19:15

Mwakpwe kanwani mwatuluka upanga wa kurya sana. Andauhumira kushinda mataifa gosi duniani naye andagatawala na uwezo mkpwulu. Tsona aminye uchi mufu wa tsukizi za Mlungu Mwenye Nguvu Zosi.

Maono 2:12

Achienderera kugomba achiamba, “Na hiye malaika wa kundi ra afuasi hiko Perigamo muandikire hivi: ‘Nina upanga wa kurya urio na maso kosi-kosi. Hebu phundzani nagokuambirani!

Maono 1:16

Tsona kala ana nyenyezi sabaa mkpwono wa kulume. Mwakpwe mromoni kala mchituluka upanga wa kurya sana, chisha wa maso kosi-kosi. Usowe kala unangʼala dza viratu dzuwa kali.

Aeburania 4:12

Mana ujumbe wa Mlungu u moyo na una nguvu sana. Tsona ni dza upanga urio na maso pande zosi mbiri, unaodunga kahi za mioyo na maroho gehu na kuganya vilungo vya mwiri na mafuha ga mifuphani. Piya ujumbe wa Mlungu unaweza kumanya maazo na nia za mioyo yehu.

2 Timothi 4:7

Dza mutu wa kushindana mairo nikazola mairo kpwa chadi na kumala mashindano, nami nikakala muaminifu hadi mwisho.

Aefeso 6:17

Phokerani wokofu ukale dza kofiya ya chuma. Tsona gbwirirani neno ra Mlungu rikale dza fumo rilaviwaro ni Roho Mtakatifu.

Obadiya 1:21

Atu a Jerusalemu ariotiya andapanda mwango Sayuni ili autawale mwango wa Esau, na Mwenyezi Mlungu mwenye ndiye ndiyekala mfalume wao.

Amosi 2:11

Nami nátsambula manabii kahi ya anao na barobaro enu anjina akale atu ariotengbwa kpwa ajili ya Mwenyezi Mlungu. Hebu gano nigombago ni handzo, mwi atu a Iziraeli? Mwenyezi Mlungu anaamba.

Sonono za Jeremia 4:2

Nyo ana a Sayuni ariokala na nguma, ariokala a samani sawa na zahabu swafi, vivi anaaharira dza nyungu za ulongo zisizo na samani kazi ya mfinyangi.

Jeremia 51:20

Uwe u rungu rangu, silaha yangu ya viha kuhumira uwe, nkuvundza-vundza mataifa na kpwa uwe, nkuangamiza falume.

Zaburi 149:6

Naakale atu akumtogola Mlungu kuno panga zao zenye maso kosi-kosi zi mwao mikononi.

Zaburi 144:1

Naatogolwe Mwenyezi Mlungu, mwamba wangu, iye aifundzaye mikono yangu na mala gangu kupigana viha.