Zakariya 7:13 - Digo Bible

¹³ Mwenyezi Mlungu, Mlungu wa majeshi anaamba, ‘Náaiha ela taayaniphundza, phahi ariphoniiha nami siyaaphundza.

Zakariya 7:13 Referans Kwoze

Jeremia 14:12

Dzagbwe nkufunga, sindasikira chiriro chao, na hata dzagbwe analavya sadaka za kuochwa na za mtsere, mino sindazikubali. Ela nindaangamiza kpwa upanga, ndzala na ukongo mui.”

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Jeremia 11:11

Kpwa hivyo Mwenyezi Mlungu anaamba hivi, ‘Nindaarehera mashaka ambago taandaweza kugaepuka. Dzagbwe andaniririra, mino sindaaphundza.

Mika 3:4

Siku zedzazo andamririra Mwenyezi Mlungu, ela ye kandaajibu. Wakati hinyo andaafwitsa usowe kpwa sababu ya mahendo gao mai.

Jakobo 4:3

Na hata mchivoya piya tamphaha, kpwa sababu tamuvoya na nia nono, tsona munavoya vitu ambavyo ni vya kukustareheshani mwi enye.

Luka 13:25

Siku mchina-nyumba achedzafunga mryango, mundakala kondze mpige hodi na muambe, ‘Bwana, huvugurire mryango!’ Ela andakuambirani ‘Sikumanyani tse wala simanya mlako!’

Ezekieli 20:3

“Mwanadamu, gomba na nyo atumia a Iziraeli uaambire, ‘Mwenyezi Mlungu anaamba, mkedzaniuza ushauri? Kpwa kpweli dza niishivyo, Mwenyezi Mlungu anaamba, sindakuruhusuni muniuze ushauri bii.’

Ezekieli 14:3

“Mwanadamu, atu aha, anamendza vizuka vyao mwao mioyoni na akaika uyi mbere. Dze, niariche aniuze mashauri kpweli?

Isaya 50:2

Nákpwedza nikutivyeni ela sionere mutu, nchiiha ela taphana mutu yenijibu. Kpwani mkpwono wangu ni mfupi sana hata usiweze kukukombolani? Au sina uwezo wa kukutivyani? Nnaphodemula, nikuumisa bahari, nikuhenda myuho ikakala jangbwa, ngʼonda aho nkufwa akanuka lovu kpwa kukosa madzi.

Misemo 28:9

Mutu akahalaye kusikira shariya hata mavoyoge ganatsukiza Mlungu.

Misemo 21:13

Mutu aremaye kuphundza chiriro cha mchiya, iye naye andarira, ela kandasikizwa.

Jeremia 7:27

“Jeremia, hata ukagombadze nao, aho taandakuphundza, Undaaiha ela taandaihika.

Jeremia 11:10

Akauyira dambi za akare ao, ariorema kuphundza maneno gangu. Akalunga milungu yanjina na kuihumikira. Atu a Iziraeli na atu a Juda akavundza chilagane nrichoika na akare ao.

Jeremia 11:14

“Kpwa hivyo Jeremia usiavoyere atu aha, usiniririre kpwa sababu yao, mana sindaaphundza tsetsetse wakati a kpwenye mashaka.

Jeremia 14:2

“Tsi ya Juda ina chiriro na maryangoge gakarejera. Atue anasononeka pho photsi, na chiriro cha Jerusalemu chikafika dzulu.

Sonono za Jeremia 3:44

Ukadzifwinika ingu ili mavoyo gehu gasiweze kutsupa.

Ezekieli 8:18

Kpwa hivyo nindaatiya adabu na tsukizi, sindaaonera mbazi wala kuaricha atiye. Hata achikota kululu mwangu masikironi, sindaaphundza bii.”