Zakariya 6:7 - Digo Bible

⁷ Nyo farasi ariphotuluka, kala ana hamu ya kuandza kuzunguluka duniani. Ye malaika achiaambira, “Phiyani mkazunguluke duniani mlole gahendekago.” Phahi aphiya duniani kosi.

Zakariya 6:7 Referans Kwoze

Zakariya 1:10

Phahi yuya mutu yekala aimire kahi ya yo mihadasi achijibu achiamba, “Hinya ni hara ariohumwa ni Mwenyezi Mlungu, edze azunguluke aone gara gahendekago duniani.”

2 Nyakati 16:9

Kpwa mana matso ga Mwenyezi Mlungu nkulola chila phatu kosi duniani, ili aatiye nguvu hara anaomkuluphira iye chikamilifu. Ukahenda dzambo ra chizuzu nawe kuandzira sambi undakala na viha.”

Danieli 7:24

Zo pembe kumi ni afalume kumi ndiola kpwenye ufalume uhu. Bada ya aho phandakala na mfalume wanjina, iye andakala tafwauti na nyo ariomtanguliya, naye andaturya afalume ahahu.

Danieli 7:19

“Chisha nchilonda kumanya mana kuhusu ro dzinyama ra ne rokala tafwauti na madzinyama ganjina. Dzinyama riro kala rinaogofya sana, naro kala rina meno ga chuma na kombe za shaba. Riri kala rina meno makulu ga chuma na kombe za shaba, naro rarya na kuvundza-vundza maaduige, na richivyoga-vyoga chokala chikasala.

Mwandzo 13:17

Sambi phiya ukainyendeke iyo tsi kahi ya marege na mapanage mana mino nindakupha.”

Isabu 21:4

Aiziraeli achiuka kula mwango wa Hori, achiphiya na njira ya Bahari ya Shamu ili aizunguluke tsi ya Edomu, ela nyo atu achisinywa mo njirani,