Zakariya 3:3 - Digo Bible

³ Wakati uho Joshuwa kala aimire mbere za ye malaika kuno akavwala nguwo za nongo.

Zakariya 3:3 Referans Kwoze

Isaya 64:6

Swiswi hosi hukakala dza mutu mkolo, na mahendo gehu gosi ga haki ni dza mademu machafu. Swiswi hosi hunanyala dza makodza, dambi zehu zinahuphepherusa dza makodza gaphepheruswavyo ni phepho.

Maono 19:8

Iye bibi arusi akahewa nguwo nono za kungʼala-ngʼala zisizo na dowa.” (Hizo nguwo nono manage ni mahendo manono ga atakatifu a Mlungu.)

Ezira 9:15

Ee Mwenyezi Mlungu wa Iziraeli, uwe u mwenye haki. Siswi hu masaza huriotiya. Huimire mberezo swiswi enye dambi, dzagbwe taphana hata mmwenga wehu afwahaye kuima mberezo kpwa sababu ya makosa gehu.”

Danieli 9:18

Hega sikiro usikire ee Mlungu wangu, ungʼaze matsogo ulole zo tabu hurizo nazo na vira mudzi uihwao kpwa dzinaro urivyo gandzo. Hunakuvoya si kpwa kukala hwahenda haki, ela ni kpwa kukala una mbazi nyinji.

Jakobo 2:2

Mendzerepho mutu edze phenu mkpwutanoni akavwala nguwo nono na pete za zahabu, na wanjina naye edze pho mkpwutanoni akavwala mademu mademu.

Juda 1:23

Awanieni afuasi ayawenu anjina muaokole wakati anainjira mohoni. Chisha anjina aonereni mbazi, ela namwi dzimanyirireni! Zirani hata zo nguwo zotiywa uchafu kpwa sababu ya mahendo gao mai.

Isaya 4:4

Mwenyezi Mlungu ndiphoogesa achetu a Sayuni uchafu wao na kusuza nongo za milatso ya Jerusalemu kpwa roho wa uamuli na roho wa moho.

Ezira 5:2

Phahi Zerubabeli mwana wa Shealitieli na Jeshuwa mwana wa Jozadaki auyira kuidzenga yo nyumba ya kuvoya Mlungu iriyo Jerusalemu, nao manabii a Mlungu achikala phamwenga nao na achiaterya.

Isaya 64:5

Uwe ukpwedzaterya hara ahamirwao ni kuhenda haki, hara atambukirao njirazo. Ela uwe watsukirwa kpwa kukala swiswi hwahenda dambi, na huchiricha kulunga njirazo kpwa muda mure. Kpwa msadao bahi hunaweza kutivywa.