Zaburi 91:11 - Digo Bible

¹¹ Mana andalagiza malaikae akurinde phophosi uphiyapho.

Zaburi 91:11 Referans Kwoze

Zaburi 34:7

Malaika wa Mwenyezi Mlungu nkurinda hinyo amuogophao na akaativya.

Aeburania 1:14

Kpwa hivyo malaika ni utu wani? Ni roho ambazo zinamhumikira Mlungu, naye nkuzihuma zichahumikira hara ambao andativywa.

Misemo 3:6

Chila uhendaro muadamire iye naye andagolosa njirazo.

Mathayo 4:6

Achimuamba, “Ichikala u Mwana wa Mlungu kpweli, tina ugbwe, mana yaandikpwa, ‘Mlungu andalagiza malaikae akurinde sawa-sawa,’ na ‘Malaikae andakuunula, ili usedze ukakpwala dziwe.’ ”

Zaburi 71:3

Kala mwamba na chimbiriro rangu, ngome ya nguvu ya kuniokola mana uwe u mwamba wangu na ngome yangu.

Isaya 31:1

Shaka hiro kpwa hinyo anaotserera kuphiya Misiri kpwendavoya msada, hinyo anaoadamira farasi a viha. Anaoadamira magari gao ga kuvwehwa ni farasi kpwa kukala anajeshi akuhumira farasi ana mkpwotse, badala ya kumuadamira Mtakatifu wa Iziraeli, au kuvoya msada kpwa Mwenyezi Mlungu.

Jeremia 2:18

Vino munaphaha fwaida yani kpwa kuphiya Misiri kpwendanwa madzi ga muho Naili? Ama munaphaha fwaida yani kpwa kuphiya Ashuru kpwendanwa madzi ga muho Yufurati?

Mwandzo 28:15

Mimi ni phamwenga nawe na nindakurinda phophosi ndiphophiya na nindakuuyiza tsona kahi ya tsi hino. Sindakuricha hadi nikuhendere gosi nchigokulaga.”

Kutsama 23:20

Phahi Mwenyezi Mlungu achienderera kugomba na Musa achiamba, “Lola, mimi nindahuma malaika edze akulongozeni. Naye andakurindani mwenu charoni hadi akufiseni kpwahali nirikokuikirani.