Zaburi 90:10 - Digo Bible

¹⁰ Hunaweza kuishi miaka mirongo sabaa, au ichikala huna nguvu, miaka mirongo minane, ela yo minono nayo ni ya tabu na sonono, kano ikasira naswi tahupho tsona.

Zaburi 90:10 Referans Kwoze

Jakobo 4:14

Mwimwi tammanya maisha genu ndivyokala muhondo! Mana maisha genu ni dza guro ambaro nkutuluka kpwa muda alafu rikayaya.

Zaburi 78:39

Watambukira kukala aho ni atu tu, dza phepho ripigaro richitsupa na tariuya tsona.

2 Samueli 19:35

Nina miaka mirongo minane rero. Hipha sambi siweza kutafwautisha garigo manono na mai kpwangu. Sisikira mtswano wa chochosi nryacho au ninwacho. Vivi siweza kusikira vinono sauti za aimbadzi. Simendze kukala mzigo kpwa bwana wangu mfalume.

Mwandzo 47:9

Jakobo achimuambira mfalume, “Miaka ya charo changu himu duniani ni gana mwenga na mirongo mihahu. Miaka hino ni michache na taidzangbwefika miaka yoishi akare angu, tsona yakala ya kugaya.”

Kumbukumbu 34:7

Musa kala ana umuri wa miaka gana mwenga na mirongo miiri ariphofwa, ela matsoge kala tagadzangbwekotseka na nguvu za mwiriwe taziyaphunguka.

1 Afalume 1:1

Phahi mfalume Daudi kala akakala mtumia sana, hata achikala kaweza kuphaha dzoho dzagbwe anabwiningizwa mayamba.

Ayubu 24:24

Ayi nkuongokerwa kpwa muda tu, chisha badaye nkuyaya, nkunyala na kuangamika dza kodza, vitswa vyao nkukatwa dza masuche ga nganu.’

Ayubu 14:10

Ela mwanadamu nkufwa nao ukakala mwishowe, nkudosa roho, na ikakala ndio mwisho.

Isaya 38:12

Nyumba yangu ikangʼolwa na kuhalwa dza hema ra mrisa. Uhai wangu nkaukuba dza mfumadzi akubavyo chitambaa, Mlungu akanikata dza chitambaa chikatwavyo kula kpwenye mbao ya kufumira naye kala ananimarigiza chila siku.

Luka 12:20

Ela Mlungu achimuamba, ‘U mpumbavu uwe! Rero usiku undafwa. Sambi, vyo vitu vyodziikira akiba, vindakala vya ani?’ ”

Ayubu 20:8

Andayalwa dza ndoso na kandaonewa tsona, andafutika dza ruwiya ya usiku.

Mwandzo 6:3

Mwenyezi Mlungu wagomba achiamba, “Roho yangu taindakala ndani ya mwanadamu hata kare na kare, mana iye andafwa. Kpwa hivyo sikuze zindakala miaka gana mwenga na mirongo miiri.”

Alawi 27:7

Ichikala mutu hiye umriwe ni zaidi ya miaka mirongo sita, beiye indakala ni vipande kumi na tsano vya feza, napho ni mlume, na vipande kumi vya feza napho ni mchetu.

Joshuwa 14:11

Hangu wakati uho hadi rero nchere na mkpwotse dza yo siku ambayo Musa wanihuma. Hata vivi nina mkpwotse wa kuweza kupigana viha au kuhenda kazi yanjina yoyosi.

2 Samueli 19:36

Mimi nalonda nivuke Joridani phamwenga nawe charo chifupi tu. Mbona phahi mfalume uniphe zawadi ya aina hiyo?

Ayubu 5:7

Mwanadamu nkudzirehera mwenye shida dza tsetse ziurukavyo kuphiya dzulu.