Zaburi 9:11 - Digo Bible

¹¹ Muimbireni mawira ga kumtogola Mwenyezi Mlungu atawalaye ko Sayuni! Atangazireni atu a mataifa mahendoge.

Zaburi 9:11 Referans Kwoze

Zaburi 107:22

Naamlavira sadaka za shukurani, na atangaze mahendoge kpwa mawira ga raha!

Zaburi 66:2

Imbani kuhusu utukufu wa dzinare, mlavireni sifwa za kumtogola!

Zaburi 118:17

Sindafwa ela ndakala moyo, nitangaze mahendo ga Mwenyezi Mlungu.

Zaburi 96:10

Gaambireni mataifa, “Mwenyezi Mlungu anatawala! Dunia yiimara taisumbisika. Andaamula mataifa na haki!”

Zaburi 66:5

Ndzoni mlole gara achigohenda Mlungu, mahendoge kahi za anadamu ganatisha.

Zaburi 76:2

Makaloge ga hiko Salemu, Sayuni anakosagala.

Maono 14:1

Chisha nátsupha matso nchiona Mwana ngʼondzi aimire dzulu ya Mwango wa Sayuni phamwenga na atu laki mwenga elufu mirongo mine na ne. Aho kala akaandikpwa dzina ra Mwana ngʼondzi na ra Ise vilanguni.

Isaya 14:32

Dze, ajumbe a Afilisti ajibiwedze? Naambwe kukala, “Mwenyezi Mlungu akaimarisha Sayuni na atue ariogaya akaphaha phatu pha kudzifwitsa.”

Zaburi 78:68

Badalaye watsambula mbari ya Juda, Mwango wa Sayuni, anaoumendza.

Johana 17:26

Náamanyisa uwe urivyo, na nindaenderera kuhenda hivyo, ili amendze ayawao kama unimendzavyo, tsona nami nikale chitu chimwenga nao.”

Aeburania 12:22

Ela mwimwi mkafika Mwango wa Sayuni ambako ni Jerusalemu ya mlunguni. Hinyu ni mudzi wa Mlungu ariye moyo, nako kuna maelufu na maelufu ga malaika anasherekeya.

Zaburi 91:14

Mlungu anaamba, “Nindaokola iye animendzaye, nindarinda iye amanyaye dzina rangu!