Zaburi 9:1 - Digo Bible

¹ Ee Mwenyezi Mlungu, nindakushukuru na moyo wangu wosi, nindasemurira mahendogo gosi ga ajabu.

Zaburi 9:1 Referans Kwoze

Zaburi 86:12

Nindakutogola moyo kutsuka, ee Mwenyezi Mlungu, Mlungu wangu. Nindaripha nguma dzinaro hata kare na kare.

1 Nyakati 16:24

Tangazirani mataifa gosi ngumaye, gaambireni makabila gosi kuhusu mahendoge ga ajabu.

Zaburi 111:1

Haleluya. Mwenyezi Mlungu naatogolwe ndamshukuru Mwenyezi Mlungu na moyo wangu wosi kahi za ngambi ya atu ahendao haki na kahi ya mkpwutano.

Zaburi 26:7

kuno naimba wira wa shukurani kpwa sauti na kuambira atu mahendogo ni ga ajabu.

Aeburania 13:15

Phahi nahumtogoleni Mlungu na kutangaza ngumaze wakati wosi. Mana iyo ndiyo njira ya kumlavira sadaka zehu kutsupira Jesu.

Isaya 43:21

atu nriodziumbira, ili anitogole.”

Zaburi 7:17

Nindamshukuru Mwenyezi Mlungu kpwa sababu ni wa haki. Nindamuimbira Mwenyezi Mlungu Ariye Dzulu Kuriko Vyosi, mawira ga mkutogola.

1 Nyakati 16:12

Tambukirani mahendo ga ajabu arigohenda, vilinjevye na uamuliwe ariolavya.

Zaburi 138:1

Nakushukuru na moyo wangu wosi, uwe Mwenyezi Mlungu. Ndaimba mawira ga kukutogola mbere za milungu.

Zaburi 51:15

Ee Mwenyezi Mlungu, nihendesa nigombe, nami nindatangaza sifwazo.

Luka 10:27

Yuya mwalimu achiamba, “Zinaamba, Mmendze Mwenyezi Mlungu, Mlungu wenu, na mioyo yenu yosi, na roho zenu zosi, na mkpwotse wenu wosi, na umendze myao dza vyo udzimendzavyo mwenye.”

Maono 15:3

Nao achiimba wira wa Mwana ngʼondzi na Musa mtumishi wa Mlungu, uambao: “Mwenyezi Mlungu Mwenye Nguvu Zosi, mahendogo ni makulu na ga ajabu. Uwe ndiwe Mfalume wa makabila gosi duniani, na njirazo ni za haki na za kpweli.

Isaya 12:1

Wakati hinyo undaamba, “Uwe Mwenyezi Mlungu nindakushukuru mana dzagbwe wanitsukirirwa tsukizizo zikadigirika nawe ukanihuriza moyo.

Isaya 60:6

Makundi ga ngamia atsanga-atsanga a Midiani na Efa gandaodzaza tsi. Osi alao Sheba, andareha zahabu na ubani, na azitangaze nguma za Mwenyezi Mlungu.

Zaburi 106:2

Ni ani awezaye kusemurira mahendo makulu ga Mwenyezi Mlungu, au kutangaza sifwaze zosi?

Zaburi 9:14

ili niasimurire atu osi a Sayuni yani Jerusalemu mambo ganagohenda, nkutogole. Na nihererwe kpwa sababu ukanitivya.