Zaburi 84:7 - Digo Bible

⁷ Anaenderera kuphaha nguvu zaidi na zaidi Mlungu mkpwulu kushinda milungu yosi andaonekana Sayuni.

Zaburi 84:7 Referans Kwoze

Misemo 4:18

Ela njira ya enye haki inaigana na mwanga wa chimirimiri, uzidio kungʼala hadi kufikira mutsi kamili.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

2 Akorintho 3:18

Kpwa hivyo swiswi hosi ambao nyuso zehu zafwenulwa, hukueneza nguma ya Bwana dza nuru ya chilolo ili ionewe ni anjina. Na Bwana ambaye ni Roho, anahugaluza huigane naye, huphahe kueneza ngumaye zaidi na zaidi.

Ayubu 17:9

Ela wa haki andagbwira njiraye, na ye wa mikono swafi andazidi kuphaha nguvu.

2 Petero 3:18

Badala ya hivyo endererani kuhenda vira alondavyo Jesu Masihi, ariye Bwana na Muokoli wehu, ili akuonyeseni mendzwaye na kummanya zaidi. Naatogolwe hata kare na kare. Amina.

Zaburi 43:3

Ningʼazira mwangao na kpweliyo inilongoze, iniphirike kuriko na mwangoo mtakatifu kahi ya makalogo.

Kumbukumbu 16:16

“Alume osi a taifa renu andakpwedza mbere za Mwenyezi Mlungu, Mlungu wenu, kano tahu chila mwaka, phatu ambapho Mwenyezi Mlungu, Mlungu wenu andatsambula. Wakati wa sikukuu ya mikahe isiyotiywa hamira, sikukuu ya mavuno na wakati wa Sikukuu ya Vibanda. Mutu asedze mbere za Mwenyezi Mlungu mikono mihuphu.

Johana 14:3

Na nchimala kukutengezerani makao, nindauya tsona nedze nikuhaleni, ili phatu ndiphokala mimi, namwi piya mkale phapho.

Johana 1:16

Kpwa vira ni mutu wa mbazi nyinji, anaenderera kuhuonera mbazi.

Zaburi 42:2

Nafsi yangu ina chiru ya Mlungu, Mlungu ariye moyo. Nindafika rini kpwedzaonana naye?

Johana 15:2

Panda ya mzabibu isiyovyala, Baba nkuikata. Ela panda ivyalayo andaitsatsula ili ivyale zaidi.

Jeremia 31:6

Mana siku indafika arindzi andakota kululu ko myango ya Efuraimu, aambe, ‘Unukani hukaambuke Sayuni, kpwa Mwenyezi Mlungu, Mlungu wehu.’ ”

1 Athesalonike 4:17

Naswi ndiokala huchere moyo wakati hinyo hundakusanywa phamwenga nao hiko mainguni kumchinjira Bwana Jesu. Phahi hundakala phamwenga na Bwana Jesu hata kare na kare.

Johana 6:39

Na iye ariyenihuma alondago ni kukala, osi arionipha nisiyaze hata mmwenga, ela siku ya mwisho osi niafufule.

Zakariya 14:16

Bada ya gago, chila mutu ndiyetiya kula tsi hizo zanjina zosi zokpwedza pigana na Jerusalemu, andakala achiambuka kuphiya kuko Jerusalemu mwaka bada ya mwaka kpwendaabudu mfalume, yani Mwenyezi Mlungu, Mlungu wa majeshi, na asherekee Sikukuu ya Vibanda.

Isaya 46:13

Mimi nareha haki yangu phephi, nayo taikure na wokofu wangu taundachelewa. Nindauokola mudzi wa Sayuni, kpwa sababu ya Iziraeli, nguma yangu.”

Luka 2:24

Piya alavya sadaka kulengana na Shariya ya Mlungu, ambayo inaamba, “Sadaka ya njiya airi au ana njiya manga airi.”

Zaburi 122:2

Vivi huimire mwako maryangoni, uwe Jerusalemu.

Isaya 58:11

Naye Mwenyezi Mlungu andakulongoza siku zosi, na kutosheleza mahitaji kahi ya tsi kavu, na kuitiya nguvu mifuphayo, nawe undakala dza munda wenye madzi, na dza chisima sichouma madzi.

Ezekieli 34:26

Nindajaliya atu angu na nyumba zao zizungulukazo chidzango changu chitakatifu. Nindaahenda aphahe mvula kpwa wakatiwe, nayo indakala mvula ya baraka.