Zaburi 80:13 - Digo Bible

¹³ Nguluwe a tsakani anaubananga-bananga, na nyama a tsakani anarisa mumo.

Zaburi 80:13 Referans Kwoze

Jeremia 5:6

Kpwa hivyo simba kula tsakani andaavamia, bawa kula jangbwani andaamwamula. Tsui andapiga chamba phephi na midzi yao, yeyesi ndiyetuluka andamwamulwa-mwamulwa; kpwa sababu makosa gao ni manji na auya nyuma kano nyinji.

Jeremia 4:7

Simba akatuluka kula phakpwe tsakani, mʼbanangi wa mataifa ganjina akatuluka, akatuluka phatuphe aihende tsi yenu ikale bila chitu midzi yenu indakala magandzo gasigosagala atu.

Jeremia 52:7

Phahi, abomola seemu ya ukuta wa mudzi, na mfalume na jeshire rosi achichimbira wakati wa usiku, na njira ya busitani ya mfalume, achitsupira kpwenye ryango ririro kahi-kahi ya kuta mbiri, (phahi hara Akalidayo kala akauzangira mudzi pande zosi) achiphiya vyao na njira ya uphande wa Araba.

Jeremia 51:34

“Nebukadineza, mfalume wa Babeli akahumiza, na akahufyondza asisaze chitu. Iye akahuricha chihuphu bila chitu, iye akahumiza dza dzoka na kuodzaza ndaniye na vinono vyehu na badaye akahuaphika.

2 Afalume 17:20

Naye Mwenyezi Mlungu achiakahala Aiziraeli osi, achiagayisa na kuaricha kpwenye mikono ya atu a kuateka hadi achiazoresa kamare kula phakpwe matsoni.

Zaburi 89:42

Ukaapha ushindi avihae, ukahenda maaduige gosi gahererwe.

Isaya 5:5

Sambi ndakuambirani vira ndivyouhenda huno munda wangu wa mizabibu. Ndawuusira lichigo umenyererwe. Ndabomola kutaze uvyogbwe-vyogbwe.

Ezekieli 19:12

Ela nyo muhi wangʼolwa kpwa tsukizi, uchibwagbwa photsi, matundage gachikutiswa ni phuto kula mlairo wa dzuwa, pandaze ndziho zichinyala, na sinare renye nguvu, richiphya na moho.

Nahumu 2:3

Masujaae akavwala nguwo za kundu na ngao zao zi dododo. Vyuma kpwenye magari ga kuvwehwa ni farasi vinameka-meka yo siku gariphoikpwa tayari kushambuliya Ninawi kuno anajeshie anatukusa mafumo gao.