Zaburi 80:1 - Digo Bible

¹ Huphundze uwe mrisa uroromaye Aiziraeli uwe ulogozaye chivyazi cha Yusufu dza mifugo uwe ambaye chihicho cha ufalume chi dzulu ya makerubi, onyesa mwangao,

Zaburi 80:1 Referans Kwoze

Maono 21:23

Mudzi hinyo tauna haja ya mwanga wa dzuwa ama mwezi, mana nkungʼarirwa ni utukufu wa Mlungu, na Mwana ngʼondzi ndiye taa ya nyo mudzi.

Zaburi 77:20

Uwe waalongoza atuo dza mifugo kpwa ulongozi wa Musa na Aruni.

Zaburi 50:2

Mlungu anangʼala na utukufuwe kula Sayuni mudzi ambao unonowe tauna ila.

Zaburi 99:1

Mwenyezi Mlungu anatawala, mataifa nagakakame. Chihiche cha chifalume chi dzulu ya makerubi dunia naisumbe.

1 Petero 2:25

Kala mukaangamika dza mangʼondzi chigoricha njira, ela sambi mkauyira ye mrisa wenu anayekurindani.

Ezekieli 34:23

Nami ndagaikira mrisa mmwenga dza mtumishi wangu Daudi, naye andagarisa. Iye andagarisa, naye andagaroroma na kukala mrisa wao.

2 Samueli 6:2

Daudi achiuka phamwenga na hinyo anajeshi kuphiya mudzi wa Baala kahi za tsi ya Juda, ili kuriambusa kula kuko sanduku ra Mlungu riihwaro kpwa dzina ra Mwenyezi Mlungu, Mlungu wa majeshi, asagalaye dzulu ya chihi cha endzi kahi-kahi ya makerubi ario dzulu ya sanduku ra Mlungu.

1 Samueli 4:4

Phahi ahuma atu hiko Shilo achendahala sanduku ra chilagane ra Mwenyezi Mlungu, Mlungu wa majeshi, akalaye dzulu ya makerubi. Hara ana airi a Eli, Hofini na Finehasi nao akpwedza phamwenga na sanduku ra chilagane ra Mlungu.

Aeburania 13:20

Sambi Mlungu wa amani na ambaye wamfufula Bwana wehu Jesu, naakutayarisheni kpwa chila chiricho chinono ili muhende mendzwaye. Tsona naakupheni uwezo wa kuhenda gamhamirago kpwa kuungana na Jesu Masihi. Iye ndiye mrisa mkpwulu wa mangʼondzi, kpwa sababu wadzilavya sadaka achifwa ili ahakikishe hicho chilagane chisicho na mwisho na mlatsowe. Kpwa hivyo naatogolwe hata kare na kare. Amina.

Ezekieli 10:4

Chisha utukufu wa Mwenyezi Mlungu uchiuruka kula pho dzulu ya makerubi na uchiphiya hadi kpwenye chizingiti cha nyumba ya kuvoya Mlungu. Nyumba yosi ichiodzala ro ingu, na nyo muhala wa ndani uchingʼala-ngʼala kpwa utukufu wa Mwenyezi Mlungu.

Isaya 63:11

Ndipho atue achitambukira siku za kare, wakati wa Musa na atue. Achiuza achiamba, “Akuphi ye ariyevusa atu a Iziraeli phamwenga na chilongozi wao Musa, kutsupira kahi-kahi ya bahari? Akuphi ye ariyeika Rohowe Mtakatifu kahi-kahi yao?

Isaya 60:1

Unuka ungʼale, kpwa kukala mwangao ukedza, na nguma ya Mwenyezi Mlungu ikakutsembukira.

Zaburi 80:7

Hutiye nguvu tsona, ee Mwenyezi Mlungu, Mlungu wa majeshi, hulole na mbazi ili huphahe kutivywa.

Zaburi 80:3

Hutiye tsona nguvu, ee Mlungu na huulole na mbazi ili huphahe kutivywa.

1 Petero 5:4

Alafu ye mrisa mkpwulu wa atu osi a Mlungu achitsembuka, mundaphaha nguma phamwenga naye hata kare na kare.

Johana 10:14

Mimi ndimi mrisa mnono, nami nindafwa kpwa mangʼondzi gangu. Mana nagamanya nago gananimanya, dza viratu Baba animanyavyo nami nammanya.

Danieli 9:17

Sambi phahi, uwe Mlungu wehu, sikira mavoyo ga mtumishio ee Mwenyezi Mlungu, na kpwa ajiliyo ulole na upendelee yo nyumba ya kuvoya Mlungu iriyobomolwa-bomolwa.

Ezekieli 43:2

nami nchiona utukufu wa Mlungu wa Iziraeli uredza kula uphande wa mlairo wa dzuwa. Sautiye kala ni dza mvumo wa madzi manji, na yo tsi kala inangʼala-ngʼala kpwa nyo utukufuwe.

Ezekieli 1:13

Navyo vyo viumbe kala uchivilolato, vinaonekana dza makala ga moho, au vimwindi. Na moho kala unamwirika hiku na hiku kahi ya vyo viumbe navyo kala vinatuluza limeme.

Isaya 40:11

Andarisa mifugoye dza mrisa, andakusanya ana ngʼondzi mwakpwe mikononi, na kuaika phakpwe lagani, na riamwisaro andarilongoza pore-pore.

Zaburi 94:1

Ee Mwenyezi Mlungu, uwe Mlungu uriphizaye chisasi, uwe Mlungu uriphizaye chisasi, dzimanyise chingʼangʼa!

Zaburi 80:19

Hutiye nguvu tsona, ee Mwenyezi Mlungu, Mlungu wa majeshi, hulole na mbazi ili huphahe kutivywa.

Zaburi 78:67

Iye achirema chivyazi cha Yusufu, wala kayatsambula mbari ya Efuraimu.

Zaburi 78:52

Halafu waatuluza atue dza mifugo achialongoza dza mangʼondzi kutsupira weruni.

Zaburi 69:1

Nitivya, ee Mlungu! Mana madzi gakanifika singoni.

Zaburi 60:1

Ee Mlungu, ukahurema na kuhuhenda hushindwe, ukahureyera, ela, galuka uhutiye nguvu tsona.

Zaburi 55:1

Phundza voyo rangu, ee Mlungu, usinilozere kogo wakati ninakuvoya!

Zaburi 45:1

Moyo wangu ukaodzala maazo manono, nami namtungira mfalume wira wangu; lilimi rangu ni dza kalamu ya mutu amanyaye kuandika vinono.

Zaburi 5:1

Ee Mwenyezi Mlungu, phundza higa nikuambirago, na usikire kuula kpwangu.

Ayubu 10:3

Kpwani, unafwahirwa ni ko kunionera, kubera yo kazi ya mikonoyo? Au unahamirwa ni mipango ya atu ayi?

2 Afalume 19:15

Hezekiya achivoya mbere za Mwenyezi Mlungu achiamba, “Uwe Mwenyezi Mlungu, Mlungu wa Iziraeli, usagalaye chihi cha chifalume dzulu ya makerubi, uwe macheyo ndiwe Mlungu wa falume zosi za dunia. Uwe ndiwe uriyeumba mlunguni na tsi.

Kumbukumbu 33:2

Mwenyezi Mlungu wakpwedza kula mwango Sinai, wautsembukira kula mwango Seiri, achingʼaza kula mwango Parani. Watsembuka kahi ya maelufu ga malaika, na moho unaoaka katika mkpwonowe wa kulume.

Zaburi 50:1

Mlungu mwenye nguvu, Mwenyezi Mlungu anagomba anaiha osi asagalao duniani kula mlairo wa dzuwa hadi mtswerero wa dzuwa.