Zaburi 8:3 - Digo Bible

³ Nlolapho ko mlunguni, kazi za mikonoyo, mwezi na nyenyezi ambazo waziika phatu ziripho,

Zaburi 8:3 Referans Kwoze

Mwandzo 1:1

Hipho mwandzo, Mlungu waumba dzulu mlunguni na dunia.

Zaburi 33:6

Kpwa neno ra Mwenyezi Mlungu, mlunguni kpwaumbwa, na vyosi virivyo mumo kpwa pumuzi ya kanwaye.

Zaburi 111:2

Mahendo ga Mwenyezi Mlungu ni makulu, osi ahamirwao ni gago nkugaririkana.

Zaburi 104:19

Uwe wahenda mwezi ukale ni alama ya kupimira minga, na dzuwa rimanye wakatiwe wa kutswa.

Zaburi 89:11

Mlunguni ni maliyo na dunia piya ni yako. Dunia yosi na vyosi virivyo himo ndiwe uriyeviumba.

Arumi 1:20

Mana hangu mwandzo wa dunia, Mlungu waumba chila chitu kpwa njira ambayo hata dzagbwe atu taamuona, anaweza kuelewa vira arivyo. Hasa vitu arivyoumba vinaonyesa kukala Mlungu ana uwezo hata kare na kare, na ndiye Mlungu macheye, wala takuna wanjina. Ndiyo mana atu taaweza kudai kukala taammanya Mlungu.

Luka 11:20

Ela kpwa kukala ninatuluza pepho kpwa uwezo wa Mlungu, phahi manyani kukala ufalume wa Mlungu ukedza kpwenu.

Kutsama 8:19

Ndipho hinyo atsai achimuamba Farao, “Hino ni kazi ya Mlungu.” Ela moyo wa Farao uchizidi kukala mufu, wala kayakubali maneno ga Musa na Aruni, dza viratu Mwenyezi Mlungu arivyogomba.

Ayubu 22:12

Si Mlungu a dzulu mlunguni? Hebu lola zo nyenyezi zirivyo dzulu sana!

Kumbukumbu 4:19

Dzimanyirireni ndipholola mlunguni na kuona dzuwa, mwezi, nyenyezi na vitu vyosi, sedze mkaaza kuviabudu na kuvihumikira. Vitu hivyo Mwenyezi Mlungu, Mlunguo akavirichira atu anjina osi duniani.

Kutsama 31:18

Mwenyezi Mlungu ariphomala kugomba na Musa hiko Mwango Sinai, wamupha Musa myalawe miiri ya ushaidi, ambayo ye mwenye kala akaiandika shariyaze.

Zaburi 148:3

Mtogoleni, mwi dzuwa na mwezi, mtogoleni, mwi nyenyezi zosi zingʼalazo!

Zaburi 19:1

Ko mlunguni kunatangaza utukufu wa Mlungu na dzulu kunaonyesa kazi ya mikonoye.

Ayubu 25:5

Lola, hata nyo mwezi tauna mwanga wa kukola na zo nyenyezi si swafi phakpwe matsoni,

Ayubu 25:3

Dze, jeshire rinaolangika? Ni ani asiyengʼazirwa ni mwangawe?

Ayubu 36:24

Usiyale kutogola mahendoge, ambago atu nkugaimba kumtogola.