Zaburi 72:3 - Digo Bible

³ Myango nairehere atu mafwanikiyo na vidzango virehe haki.

Zaburi 72:3 Referans Kwoze

Isaya 52:7

Vinahama sana kumuona muhumwa arehaye habari nono a ko myangoni aredza, iye atangazaye amani, arehaye habari nono za mambo manono, iye atangazaye wokofu, aambiraye atu a mudzi wa Sayuni, “Mlungu wenu anatawala!”

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Danieli 9:24

“Muda wa miaka mirongo sabaa kano sabaa ukaikpwa kpwa ajili ya atuo na kpwa ajili ya mudzio mtakatifu, ili kukomesa uasi, dambi, kutakasa uyi na kureha haki hata kare na kare, kutiya muhuri unabii wa ruwiya na kupakpwa mafuha pho Phatu Phatakatifu Zaidi.

Zaburi 72:16

Tsi naijaliwe ikale na mtsere munji, masuche ganazugbwa kpwenye virere vya vidzango, matundage gakale dza ga Lebanoni, atu midzini akale anji dza nyasi!

Zaburi 65:12

Nyasi za kurisira mifugo weruni zinapwipwita, myango nayo i tele raha.

Isaya 45:8

Ko dzulu mlunguni nakumwage haki dza ingu ra mvula, tsi naivuguke ili wokofu na haki vimere phamwenga. Mimi Mwenyezi Mlungu nikaviumba.

Isaya 60:17

Badala ya shaba nindareha zahabu, badala ya chuma nindareha feza, badala ya mbao nindareha shaba, badala ya mawe nindareha chuma Tsona nindaahenda vilongozio atawale kpwa amani na haki.