Zaburi 71:7 - Digo Bible

⁷ Maisha gangu gakakala ga kuangalaza kpwa anji ela uwe u chimbiriro rangu ra nguvu.

Zaburi 71:7 Referans Kwoze

Isaya 8:18

Lola, mimi na ana nriohewa ni Mwenyezi Mlungu, hu ishara na mfwano kpwa Iziraeli. Mifwano ihi yala kpwa Mwenyezi Mlungu, Mlungu wa majeshi, asagalaye Mwango Sayuni.

1 Akorintho 4:9

Mana inaonekana kala Mlungu wahuika swiswi mitume hukale atu a mwisho kabisa. Wahuhenda dza atu ariohukumiwa kuolagbwa azarani ili dunia ndzima, yani atu phamwenga na malaika, ahuzemerere chivyamwenga.

Mahendo 4:13

Hara atumia a ngambi kala anamanya kala Petero na Johana ni atu a kawaida wala taana ilimu ya mwanya. Hipho, atezeka ariphoaona anagomba chilume, achimanya kukala akala phamwenga na Jesu.

Jeremia 16:19

Ee Mwenyezi Mlungu uriye nguvu yangu na ngome yangu, uriye kuluphiro rangu wakati wa tabu, ko kpwako mataifa ganjina gandakulunga kula pembe za dunia na kuamba, “Sowe zenu taayakala na chitu isiphokala milungu ya handzo ambayo taiyaafwaha chitu.

Zaburi 62:7

Wokofu wangu na ishima yangu vila kpwa Mlungu. Mlungu ndiye mwamba wangu wa nguvu na chimbiriro rangu.

Luka 2:34

Alafu Simioni waajaliya, na achimuamba nine wa Jesu, “Mwana hiyu andakala sababu ya Aiziraeli anji kuangamika na anji kuokoka, na andakala dalili ndiyopingbwa ni atu.

Zakariya 3:6

Chisha ye malaika wa Mwenyezi Mlungu achimsisitiza Joshuwa achimuamba,

Zaburi 61:3

Mana uwe ndiwe chimbiriro rangu, u ngome yangu ya nguvu ya kunichinga na maadui.

Zaburi 62:8

Mwi atu, mkuluphireni Mlungu wakati wosi, muambireni gosi garigo mwenu mioyoni. Mlungu ndiye chimbiriro rehu.

Zaburi 62:9

Anadamu osi ni dza mseho, osi avyere kpwa adide, taafwaha chitu. Tsona uchiapima mkpwotse wao taufika hata kilo mwenga, osi phamwenga achipimwa mkpwotse wao taufika hata wa pumuzi.

Zakariya 3:8

Phahi phundza uwe Joshuwa, mlavyadzi-sadaka mkpwulu na ayao asagalao mberezo, mana aho ni ishara ya mambo manono gedzago. Mimi nindareha mtumishi wangu aihwaye Panda.