Zaburi 71:20 - Digo Bible

²⁰ Uwe uchiyenihenda nitsupire mashaka manji makulu undanitiya nguvu tsona. Undanituluza vivwa vya duniani unirehe dzulu tsona.

Zaburi 71:20 Referans Kwoze

Zaburi 138:7

Hata ntsupirapho shida, uwe unanirinda. Unagolosa mkpwonoo dzulu ya maadui gangu achionitsukirirwa, na unanitivya kuhumira mkpwonoo wa kulume.

Zaburi 60:3

Ukahenda atuo agaye, hunayumba-yumba dza atu achiolewa uchi wa zabibu.

Zaburi 86:13

Mana mendzwayo ni nyinji kpwangu, ukakombola nafsi yangu na kuzimu.

Zaburi 80:18

Halafu naswi tahundagaluka na kukuricha, huphe uzima naswi hundakuabudu.

Jona 2:6

Nazama tsini ya kolo za myango, nchendasindikirwa na maphungo ga tsi hata kare na kare. Ela uwe Mwenyezi Mlungu, Mlungu wangu uchiniusa tsona hai kula hiko kuzimu.

Zaburi 119:25

Nikalazwa vumbini, nipha tsona uhai dza urivyolaga.

Zaburi 16:10

Kundaniricha kahi ya ariofwa, wala kuricha mtumishio muaminifu aole mbirani.

Maono 7:14

Nami nchimuamba, “Bwana uwe ndiwe umanyaye.” Naye achiniamba, “Hano ni atu ambao ashinda gara mateso makulu. Afula kandzu zao na mlatso wa yuya Mwana ngʼondzi, na zichikala nyereru tsetsetse.

Aefeso 4:9

(Sambi “Wapanda kuphiya dzulu” manage nini? Manage ni kukala, mwandzo watserera kuphiya kuzimu.

Mariko 15:34

Saa tisiya iriphofika, Jesu warira na kululu achiamba, “Eloi, Eloi, lama sabakithani?” Manage ni, “Mlungu wangu, Mlungu wangu, mbona ukaniricha?”

Isaya 38:17

Kpwa kpweli kala nateseka kpwa fwaida yangu Ukanitivya na kaburi kpwa mendzwayo kpwa kukala ukaniswamehe dambi zangu.

Isaya 26:19

Atu ariofwa andafufuka tsona. Lamukani muimbe na raha mwimwi mkalao vumbini dza manena gahendavyo tsi kavu ikamera nyasi, ndivyo Mwenyezi Mlungu ndivyofufula atu ariofwa.

Zaburi 85:6

Dze, kundahutiya nguvu tsona ili swiswi atuo, huhamirwe ni uwe?

2 Samueli 12:11

Mwenyezi Mlungu anaamba hivi, ‘Nindakurehera uyi Kula kpwa atu a mwako nyumbani, nami ndaahala acheo kuno unalola, niaphe mutu ambaye u phephi naye, naye andalala nao chingʼangʼa.

Mahendo 2:24

Ela Mlungu wamfufula, na achimuusira utsungu wa chifo kpwa sababu kala taiwezekana asale lufu.

1 Samueli 2:6

Mwenyezi Mlungu nkuolaga na nkuyiza moyo; Nkutsereza hadi kuzimu, chisha ndiye alavyaye mutu kula kuzimu.

Zaburi 60:5

Niterya kpwa mkpwonoo wa kulume, hutivye, ili atuo uamendzao aweze kutivywa.

Zaburi 95:4

Dunia yosi ni yakpwe, kula vivwa vya dunia, hadi virere vya myango ni vyakpwe.