Biblia Todo Logo
Bib sou entènèt

- Piblisite -




Zaburi 71:19 - Digo Bible

19 Na haki uriyo nayo, ee Mlungu, inafika mlunguni. Uwe ukahenda mambo makulu, ee Mlungu, ni ani ariye dza uwe?

Gade chapit la Kopi




Zaburi 71:19
20 Referans Kwoze  

Nindamtogola Mwenyezi Mlungu na moyo wangu wosi nimuambe, “Takuna ariye dza uwe, ee Mwenyezi Mlungu! Uwe unativya anyonje kula mikononi mwa enye nguvu, agayi na achiya kula mikononi mwa anao aonera.”


Mana mendzwayo isiyosika i dzulu hata inafika mlunguni, uaminifuo unafika mainguni.


“Dza vyo mlunguni kurivyo dzulu sana kuriko tsi, ndivyo njira zangu zirivyo dzulu kuriko zenu, na maazo gangu garivyo dzulu kuriko go genu.


Kpwa sababu Mlungu wa Uwezo Wosi wanihendera mambo makulu, naye dzinare ni takatifu.


Ni ani asiyekuogopha, ee Mfalume wa mataifa ganjina? Ihi ni hakiyo, mana kahi ya atu a ikima a mataifa na kpwenye utawala wao takuna dza uwe.


Iye Ariye Mtakatifu anaamba, “Dze, mundanifwananisha na ani, niphahe kukala sawa naye?


Dze, mundamfwananisha Mlungu na ani? Au ni utu wani munaoweza kuamba waigana nao?


Kahi ya milungu yosi takuna ariye dza uwe, ee Mwenyezi Mlungu wala awezaye kuhenda dza gago uhendago uwe.


Mwenyezi Mlungu naatogolwe, Mlungu wa Iziraeli ambaye iye macheye ndiye ahendaye mambo ga ajabu.


Iye ndiye ahendaye mambo makulu gasigochunguzika, mambo ga kuangalaza gasigoolangika.


Kahi za milungu, ni mlungu yuphi ariye dza uwe, Mwenyezi Mlungu? Utakatifuo tauwezekana, mahendogo ga nguma ganahutishira, mambo makulu uhendago uwe, ganahuangalaza.


Ela Mwenyezi Mlungu, Mlungu wa majeshi andatogolwa kpwa uamuliwe wa haki na Mlungu mtakatifu andaonyesa utakatifuwe kpwa hakiye.


Mutu wa achili njiraye inaphirika dzulu uzimani, ili aepuke njira ya kuinjira tsini mbirani.


Marifwago, gananiangalaza, ni makulu sana hata siweza kugaelewa.


Mzuzu kaweza kuelewa ikima, kaweza kutsangira rorosi phatu phenye mkpwutano.


“Ee Mwenyezi Mlungu, ukaandza kunionyesa mimi mtumishio ukuluo na uwezoo. Mana, phana mlungu ani ko mlunguni au duniani awezaye kuhenda mambo makulu na ga ajabu dza unavyohenda uwe?


Kpwa kpweli mendzwayo isiyosika ni ya samani, ee Mlungu! Anadamu osi nkuchimbirira mwako maphani.


Swiv nou:

Piblisite


Piblisite