Zaburi 71:10 - Digo Bible

¹⁰ Mana maadui gangu ganagomba mai kunihusu, hinyo anaolonda kuniolaga anapanga njama.

Zaburi 71:10 Referans Kwoze

Jeremia 20:10

Násikira anji achigomba pokopoko kunihusu, nao ananiogofyera chila uphande, aho anaamba “Mshitakini, nahumshitaki!” Asena angu a kurya na kuusa, ananiazira mai. Aho anaamba, “Mendzerepho andachengeka, ndipho humturye na hudziriphize.”

Zaburi 83:3

Akaapangira atuo njama mbii, anashauriana vira ndivyoahenda vii hinyo unaoarinda.

Zaburi 56:6

Nkukutana akapanga na akanioteya, nkulolato gosi nihendago, kuno a tayari kuniolaga.

Zaburi 31:13

Nkasikira maadui gangu gachigomba pokopoko, nami naogofyerwa chila uphande. Aho anapanga njama mbii chinyume changu, njama ya kuniolaga.

Mathayo 27:1

Chiti kuriphocha, akulu osi a alavyadzi-sadaka na vilongozi a Chiyahudi akata shauri ya kumuolaga Jesu.

Misemo 1:11

Achikuamba: “Haya ndzo! Kala phamwenga naswi, huviziye atu huaolage; Hushambuliye asio na makosa!

Zaburi 10:9

Nkudzifwitsa na kumuoteya dza simba. Nkugodza ili amgbwire mchiya. Iye nkumgbwira mnyonje na kumguruta kpwenye nyavuye.

Zaburi 2:2

Afalume a dunia anadzitayarisha, na atawala anapanga njama phamwenga, chinyume cha Mwenyezi Mlungu na chinyume cha ye mmwagirwawe mafuha.

1 Samueli 19:11

Usiku hinyo-hinyo Sauli wahuma atu kpwendamuoteya Daudi phakpwe mryangoni, ili ligundzu amuolage. Ela mchewe Mikali achimuamba, “Usiphochimbira vi usiku ukativya rohoyo, muhondo undaolagbwa.”

Zaburi 109:20

Mwenyezi Mlungu naariphe gago aho anishitakio, aho agombao mai kunihusu!