Zaburi 69:13 - Digo Bible

¹³ Ela mino nakuvoya uwe ee Mwenyezi Mlungu, kahi za wakati unaoukubali uwe, ee Mwenyezi Mlungu, kahi za mendzwayo isiyosika, nijibu uniterye kpwa uaminifuo.

Zaburi 69:13 Referans Kwoze

2 Akorintho 6:2

Kpwa mana Mlungu anaamba, “Wakati uriofwaha, nákuphundza, na siku ya kuokoka nchikuterya.” Phahi, uhu ndio wakati unaofwaha, na rero ndiyo siku ya kuokoka!

Isaya 49:8

Mwenyezi Mlungu anaamba hivi, “Wakati wangu uriokubalika uchifika ndakujibu, siku ya wokofu, nindakuterya. Nindakuikato nami ndakuhenda ukale chilagane cha atu aha, ili kuyiuyizato yo tsi yobanangbwa na kuauyizira enye.

Zaburi 91:15

Achiniiha, nami nindamuihikira, achikala tabuni, nindakala phamwenga naye, nindamuokola, naye andaishimiwa.

1 Samueli 25:8

Auze barobaroo nao andakuambira. Phahi hinya barobaro wakubali mberezo, mana hukedza kpwako siku ya furaha uaphe chakurya. Nakuvoya uaphe atumwao na mimi mwanao Daudi chochosi urichonacho.’ ”

1 Petero 2:23

Aripholaphizwa kayauyiza neno rorosi na ariphoteswa kayajeza kuriphiza. Ela gosi wamrichira Mlungu ahukumuye na haki.

Aeburania 5:7

Ariphokala hipha duniani, Jesu wavoya sana Mlungu kpwa raka ra dzulu na kurira, mana kala anamanya kukala Mlungu ana uwezo wa kumtivya na chifo. Wamuogopha Mlungu kpwa chila njira, naye achiphokera mavoyoge.

Isaya 55:6

Muendzeni Mwenyezi Mlungu, wakati achere phahikana, muiheni wakati achere phephi.

Mwandzo 24:27

achiamba, “Naatogolwe Mwenyezi Mlungu, Mlungu wa bwana wangu Burahimu, ambaye anaenderera kumuonyesa mendzwa isiyosika na uaminifu. Uphande wangu, Mwenyezi Mlungu akalongoza charo changu hadi kufika mudzini pha mbari za bwana wangu.”

Luka 22:44

Ela wasikira utsungu sana rohoni na achivoya Mlungu kpwa chadi zaidi. Achituluka jasho, na richitwena photsi dza matone makulu ga mlatso.

Zaburi 98:3

Akatambukira mendzwaye isiyosika na uaminifuwe kpwa nyumba ya Aiziraeli. Dunia yosi ikawoona ushindi wa Mlungu wehu.

Zaburi 51:1

Nionera mbazi, ee Mlungu, sawa-sawa na mendzwayo isiyosika. Futa uyi wangu, kulengana na unji wa mbazizo.

Zaburi 32:6

Kpwa hivyo chila ariye muaminifu naakuvoye wakati unaphahikana, tabu ziunukapho dza mafuriko, tazindamfikira.

Esta 7:2

Hata siku ihi ya phiri ariphokala kpwenye karamu, mfalume achimuuza tsona Esta swali riratu rira achimuamba, “Haya Malikia Esta niambira. Hajayo nini? Hata ukalonda nusu ya utawala wangu mino ndakupha.”

Esta 5:6

Phahi ariphokala ananwa, hiye mfalume achimuuza Esta, “Haya, hajayo nini? Hata ukalonda nusu ya utawala wangu mino ndakupha.”

Esta 5:2

Hipho mfalume ariphomuona Malikia Esta aimire kpwenye muhala wa ndani tu wahamirwa. Kpwa hivyo achimgolosera iyo bakoraye ya zahabu ariyokala akaigbwirira na Esta achisengera phephi achiiguta iyo tsa.

Luka 1:72

Mlungu waamba andaonera mbazi akare ehu, na andatimiza ahadiye takatifu.

Mika 7:20

Undakala muaminifu kpwa chivyazi cha Jakobo na kumuonyesa mendzwa isiyosika chivyazi cha Burahimu, dza urivyoalaga akare ehu hipho kare, kpwa kuhenda apa.

Sonono za Jeremia 3:63

Lola, asagalapho na aunukapho ananifyorera kpwa mawira gao.