Zaburi 69:11 - Digo Bible

¹¹ Niriphovwala magunia kpwa sonono atu aninyetera.

Zaburi 69:11 Referans Kwoze

Jeremia 24:9

Nindaahenda akale utu wa kutisha kahi za mataifa gosi duniani. Andakala atu a kulaumiwa na a kuberwa na lana kosi-kosi ambako nindaaphirika.

1 Afalume 9:7

Phahi, ndaatsamiza atu angu, Aiziraeli, kula tsi hino ambayo nkaapha. Piya nyumba hino nriyoitenga kpwa ajili ya dzina rangu, ndairema na Iziraeli indakala tangaliye na utu wa kutsekpwa ni atu osi.

Ayubu 17:6

Mlungu akanihenda nikale wa kutsekpwa ni atu, nikakala mutu wa kutsitsirwa mahe.

Joeli 1:13

Mwi alavyadzi-sadaka, vwalani magunia, kotani kululu mwimwi muhendao kazi phatu pha kulavira sadaka. Ndzoni mchese kuno mkavwala magunia mwi ahumwa a Mlungu wangu! Mana takuna arehaye tsona sadaka za mtsere wala za chinwadzi nyumbani mwa Mlungu wenu.

Joeli 1:8

Vwalani nguwo za magunia mrire dza mwanamwali achiyefwererwa ni mchumbawe wa usichanani.

Isaya 22:12

Siku iyo Mwenyezi Mlungu, Mlungu wa Majeshi walavya amuri kukala atu arire na kukala na sonono, anyolwe viphala na kuvwala magunia.

Isaya 20:2

Wakati hinyo Mwenyezi Mlungu wagomba kutsupira nabii Isaya mwana wa Amozi achiamba, “Vula hizo nguwo za magunia uchizovwala na virahu urivyo navyo maguluni.” Naye nabii achihenda kama arivyolagizwa, achinyendeka chitsaha tsona bila virahu.

Kumbukumbu 28:37

Nawe undakala utu wa kutisha, kuberwa na ndzimo ya kunyetera kahi ya atu osi a tsi ambako Mwenyezi Mlungu andakuphirika.

Zaburi 109:24

Mavwindi gangu ganarejera kpwa kufunga, na nkasala mifupha mihuphu.