Zaburi 68:2 - Digo Bible

² Aphepheruse dza mosi uphepheruswavyo ni phepho, hinyo ayi na aangamizwe ni Mlungu, dza mshumaa utsatsamuswavyo ni moho.

Zaburi 68:2 Referans Kwoze

Mika 1:4

Myango indamomonyoka tsinize, na madete ganaganyika pande mbiri dza mshumaa utsatsamukavyo ukalapho phephi na moho dza madzi gajeravyo upesi mteremukoni.

Zaburi 37:20

Ela ahendao mai andaangamika. Maadui ga Mwenyezi Mlungu ni dza maruwa ga weruni, gandanyala ee gandaangamika dza mosi.

Hosea 13:3

Kpwa hivyo aho andakala dza kunje ra ligundzu, andakala dza manena gaumago mara mwenga. Andakala dza wiswa uphepheruswao ni phepho kula phatu pha kuwagira, au andakala dza mosi utulukao na dirishani.

Isaya 9:18

Hakika uyi unaaka dza moho, unaocha vikpwata na miya, nkutiya moho tsaka rikaaka na kulavya mosi mziho uphiyao dzulu mlunguni.

Zaburi 97:5

Myango nkutsatsamuka dza mshumaa mbere za Mwenyezi Mlungu, mbere za Mwenyezi Mlungu wa dunia yosi.

Zaburi 80:16

Mzabibuo ukatemwa na ukaochwa, kpwa kuademurira, atuo anaangamia.

Isaya 64:2

Tserera dza viratu moho ugbwizavyo tsandzala, na kuhenda madzi gaokohe, ili uhende maaduigo gamanye dzinaro, na mataifa ganjina gakakame mberezo!

Zaburi 76:7

Ela uwe, unaogophewa! Ni ani awezaye kuima mberezo kano tu utsukirwapho?

Zaburi 22:14

Mwiri wangu ukasirirwa ni nguvu, mifupha yangu yosi ikateguka. Nkakata tamaa, moyo wangu ukatsatsamuka avi ni mshumaa uakao.

Isabu 10:35

Wakati wowosi ro sanduku ririphouka, Musa waamba, “Unuka uwe Mwenyezi Mlungu! Richa maaduigo gatsamukane, na avihao achimbire mberezo.”

2 Samueli 10:13

Joabu na anajeshi ariokala phamwenga naye ndio atanguliya kupigana na Aaramu, nao Aaramu achichimbira.

2 Samueli 10:18

Aaramu achimbira Aiziraeli, naye Daudi achiolaga aphiriki a magari ga kuvwehwa ni farasi magana sabaa na anajeshi akuhumira farasi elufu mirongo mine, na Shobaki, mkpwulu wa jeshi rao waolagirwa kuko.

Isaya 33:3

Unaphonguruma mataifa ganjina nkuchimbira unaphoonyesa urivyo mkpwulu mataifa nkutsamukana.

Jeremia 46:15

Kpwa utu wani mlungu wenu Apisi akachimbira? Hicho chizuka chenu cha ndzau tachiyavumirira, mana Mwenyezi Mlungu akachibwaga photsi.