Zaburi 67:4 - Digo Bible

⁴ Atu a mataifa ganjina gosi naahererwe na kuimba na raha, mana anaamula atu bila ubaguzi na kulongoza chila taifa duniani.

Zaburi 67:4 Referans Kwoze

Zaburi 98:9

mbere za Mwenyezi Mlungu, mana aredza aamule dunia. Andaamula dunia na haki na mataifa kpwa usawa.

Zaburi 9:8

Anatawala dunia na haki, na kuamula atu osi bila ubaguzi.

Zaburi 82:6

Náamba, “Mwimwi mu milungu, mosi mu ana a Iye Ariye Dzulu Kuriko Vyosi.

Arumi 2:5

Ela kpwa sababu u chisoto na kukubali kukala una dambi, unadziikira adabu kali wakati uamuli wa haki ya Mlungu ndiphokala wazi.

Isaya 55:4

Lola, namuhenda shaidi kpwa mataifa, nchimuhenda chilongozi na mkpwulu wao wa jeshi.

Zaburi 96:10

Gaambireni mataifa, “Mwenyezi Mlungu anatawala! Dunia yiimara taisumbisika. Andaamula mataifa na haki!”

Zaburi 2:8

Nivoya, nami nindahenda mataifa ganjina gosi gakale urisio, na dunia yosi indakala yako.

Kumbukumbu 32:43

“Mwi mataifa, shangiliyani na atue, milungu yosi mzamireni mumuabudu. Mana Mwenyezi Mlungu andariphiza chisasi kpwa milatso ya atumishie, anaariphiza chisasi maaduige, andariphiza chisasi hinyo ammenao na kutakasa yo tsi kpwa ajili ya atue.”

Mwandzo 18:25

Kpwa kpweli taifwaha kuolaga atu a haki phamwenga na atu ayi! Taiwezekana! Taifwaha kuhenda atu a haki sawa na atu ayi. Uwe u muamuli wa dunia yosi, kundakosa kuhenda haki.”

Agalatia 4:27

Mana Maandiko ganaamba, “Hererwa uwe mchetu tasa, usiyevyala! Hererwa sana na upige njerejere uwe usiye na utsungu wa kuvyala. Kpwa sababu mchetu ariyerichwa macheye andaphaha ana anji kuriko hiye ariye na mlumewe.”

Mahendo 17:31

Kpwa mana waika siku ambayo andaamula dunia ndzima kpwa haki, muamuli andakala hiye mutu ariyemtsambula. Naye wammanyisa chila mutu, hiye yetsambulwa, kpwa kumfufula.”

Isaya 54:1

Mwenyezi Mlungu anaamba, “Imba uwe uriye tasa, uwe ambaye kuvyarire. Kota kululu uimbe kpwa raha, uwe usiyemanya utsungu wa kuvyala, mana ana a ye mchetu ariyerichwa ni anji kuriko nyo a iye ariye na mlume.

Isaya 60:6

Makundi ga ngamia atsanga-atsanga a Midiani na Efa gandaodzaza tsi. Osi alao Sheba, andareha zahabu na ubani, na azitangaze nguma za Mwenyezi Mlungu.