Zaburi 61:2 - Digo Bible

² Ninakuririra kula pembe za dunia, kuno nkavundzika moyo. Nilongoza uniphirike mwambani urio dzulu sana kpwa nikale salama.

Zaburi 61:2 Referans Kwoze

Zaburi 18:2

Mwenyezi Mlungu ndiye mwamba wangu, ngome yangu na mkomboli wangu, Iye ndiye Mlungu wangu, mwamba wangu na chimbiriro rangu. Iye ndiye ngao yangu, nguvu ya wokofu wangu na ngome yangu.

Isaya 32:2

Chila mmwenga wao andakala dza phatu pha kudzifwitsa pha kudzichinga na phuto kali, dza chidzuho cha madzi hiko jangbwani na dza pepho ya mwamba mkpwulu wakati wa dzuwa ngerengere kpwenye tsi isiyomera chitu.

Zaburi 62:6

Iye macheye ndiye mwamba na wokofu wangu, ndiye ngome yangu, sindakakamiswa ni utu.

Zaburi 77:3

Ee Mlungu, nákutambukira uwe kpwa kuula; Nchiririkana, nchivundzika moyo.

Zaburi 62:2

Iye ndiye mwamba wangu na wokofu wangu, ngome yangu, sindakakamiswa ni utu.

Zaburi 18:46

Mwenyezi Mlungu a moyo! Naatogolwe hiye ariye mwamba wangu! Náaunulwe Mlungu wa wokofu wangu.

Kumbukumbu 4:29

Wakati mu kuko mundamuendza Mwenyezi Mlungu, Mlungu wenu namwi mundamuona napho mundamuendza na moyo wosi na roho yosi.

Zaburi 27:5

Mana siku ya tabu andanifwitsa phakpwe makaloni; andanifwitsa mwakpwe hemani, na kuniika salama kpwenye mwamba urio dzulu.

Zaburi 142:3

Nivundzikapho moyo, uwe ndiwe umanyaye njira yangu. Himo njirani nitsupiramo, akanihegera mihambo.

Zaburi 40:2

Wanituluza kpwenye dibwa ra ubanangi, kula kpwenye matope na uherezi achiniimisa dzulu ya mwamba na achiimarisha nyago zangu.

Isaya 54:11

“Uwe uriyegayiswa na kusukumwa hiku na hiko ni phuto bila kuphozwa marenda, lola, ndakudzenga na mawe ga samani, na misingiyo ndayiika na yakuti ya rangi ya bahari.

Zaburi 55:5

Ninakakama kpwa wuoga, natishirwa sana.

Zaburi 143:4

Kpwa hivyo nkavundzika moyo, roho yangu ikamaka kpwa wuoga.

Zaburi 43:5

Kpwa utu wani moyo wangu unasononeka? Kpwa utu wani nayugika mwangu moyoni? Mkuluphire Mlungu, mana nindamtogola tsona iye, muokoli wangu na Mlungu wangu.

Zaburi 42:6

Moyo wangu unasononeka kpwa hivyo nakutambukira uwe Mlungu kula tsi kola muho Joridani, kula virere vya Herimoni kula mwango Mizari.

Luka 22:44

Ela wasikira utsungu sana rohoni na achivoya Mlungu kpwa chadi zaidi. Achituluka jasho, na richitwena photsi dza matone makulu ga mlatso.

Zaburi 17:1

Ee Mwenyezi Mlungu sikira chiriro changu cha kulonda nihenderwe haki! Sikiza mavoyo gangu nivoyago kpwa roho swafi.