Zaburi 58:6 - Digo Bible

⁶ Ee Mlungu, avundze meno gao, gangʼole, ee Mwenyezi Mlungu, meno ga simba hinyo.

Zaburi 58:6 Referans Kwoze

Zaburi 3:7

Unuka ee Mwenyezi Mlungu! Nitivya ee Mlungu wangu! Wanga makofi maadui gangu, angʼole meno na uariche bila ya uwezo.

Mika 5:8

Hinyo ndiosala a chivyazi cha Jakobo, andasagala kahi za mataifa ganjina, kahi za atu anji andakala dza simba kahi za nyama a tsakani, dza mwana simba kahi za kundi ra mangʼondzi, ambaye achitsupa nkuavyoga-vyoga na kuamwamula vipande-vipande, wala taphana yeyesi wa kuativya.

Hosea 5:14

Mana nindakala dza simba kpwa atu a Efuraimu na dza mwana simba kpwa atu a Juda. Ndaamwamula-mwamula vipande-vipande mimi mwenye, chisha niuke, nindaaguruta niphiye nao na taphana ndiyeweza kuativya.

Zaburi 17:12

Akakala avi ni simba mwenye ndzala, a tayari kunimwamula-mwamula dza mwana simba chiyedzifwitsa na kuoteya.

Zaburi 10:15

Bananga mkpwotse wa mutu mui, sisa uyiwe wosi.

Ayubu 29:17

Nchivundza ndzeya za atu ayi, na kuahenda atuluze atu ariokala mwao menoni.

Isaya 31:4

Mwenyezi Mlungu, waniamba, “Ndanguruma na kukushambuliya dza simba asiyeogopha. Asiyetishirwa ni sauti ya guphuphu ra arisa anaorinda mangʼondzi. Hivyo ndivyo mimi Mwenyezi Mlungu, Mlungu wa majeshi ndivyotserera na kupigana kpwenye mwango Sayuni.

Zaburi 91:13

Undavyoga simba na fira, undavyoga-vyoga simba asiru na nyoka zenye sumu kali.

Isabu 23:24

Lolani nyo Aiziraeli anaunuka dza simba mchetu, anadziunula dza simba mlume, ambaye kaoya hadi aolage na arye nyama ya ye amuindzaye na kunwa milatsoye.”

Ayubu 41:14

Ni ani awezaye kurinahula kanwaye? Menoge ga kanda ta kanda ya madomoge nago ganatisha.

Muhubiri 10:11

Kuhumira mihaso ya kuzuwiya usiondzwe ni nyoka kuna fwaida yani napho nyoka ikakuondza kare.

Jeremia 8:17

Mwenyezi Mlungu anaamba, “Lolani, nakuhumirani nyoka kahi yenu, tsakapala mwenye sumu isiyolagulika, nao andakuondzani.”