Zaburi 55:17 - Digo Bible

¹⁷ Dziloni, ligundzu hata wakati wa namutsi nalalama na kurira na hiye Mlungu andasikira raka rangu.

Zaburi 55:17 Referans Kwoze

Aefeso 6:18

Voyani kpwa kulongozwa ni Roho Mtakatifu wakati wosi. Mvoyeni Mlungu akuteryeni na mambo gosi. Chisha kalani matso na muenderere kuavoyera atu a Mlungu.

1 Athesalonike 5:17

na muenderere kuvoya,

Zaburi 141:2

Mavoyo gangu nagakale dza uvumba mberezo, na nikuunurirapho mikono yangu, nikubali dza ukubalivyo sadaka ya dziloni!

Mahendo 3:1

Siku mwenga, Petero na Johana kala anainjira Nyumba ya Kuvoya Mlungu, akavoye mavoyo ga saa tisiya.

Aeburania 5:7

Ariphokala hipha duniani, Jesu wavoya sana Mlungu kpwa raka ra dzulu na kurira, mana kala anamanya kukala Mlungu ana uwezo wa kumtivya na chifo. Wamuogopha Mlungu kpwa chila njira, naye achiphokera mavoyoge.

Mahendo 10:9

Siku ya phiriye, hara atu ariphokala achere charoni, ela phephi na mudzi wa Yafa, Petero wapanda dzulu ya nyumba kama saa sita za mutsi ili avoye.

Mariko 1:35

Siku ya phiriye, chimirimiri kabila ya atu kulamuka, Jesu watuluka achiphiya phatu kanda macheye achendavoya.

Danieli 6:10

Phahi Danieli ariphomanya kukala go maandishi gakatiywa saini, wauka achendapanda chumba cha gorofani cha nyumbaye, chirichokala na madirisha gokala wazi kulola Jerusalemu. Achichita mavwindi mbere za Mlunguwe achimvoya na kumlavira shukurani kano tahu chila siku dza arivyokala akabara kuhenda.

Zaburi 119:62

Usiku wa manane nalamuka na kukushukuru, kpwa sababu ya malagizogo ga haki.

Zaburi 92:2

Kutangaza mendzwayo isiyosika wakati wa ligundzu, na uaminifuo wakati wa usiku,

Mahendo 10:30

Korinelio achimuamba, “Dzuzi kala ni mwangu nyumbani navoya Mlungu, saa tisiya za mutsi, saa dza zizi. Gafula mutu yekala akavwala nguwo za kungʼala-ngʼala wakpwedzaima mbere zangu.

Mariko 6:46

Bada ya kulagana na hara atu, waphiya gambani kpwendavoya Mlungu.

Zaburi 88:13

Ela ninakuririra uwe, ee Mwenyezi Mlungu, chila ligundzu nkukuvoya.

Mahendo 10:3

Siku mwenga dzuwa ra mutsi kama saa tisiya, Korinelio waona ruwiya. Malaika wa Mlungu wamtsembukira chingʼangʼa na achimuiha, “Korinelio!”

Danieli 6:13

Ndipho achimjibu mfalume achimuamba, “Danieli ambaye ni mmwenga wa atu ariotsamizwa kpwa lazima kula Juda kakuishimu, uwe, ee mfalume wala amuriyo uriyoitiya saini. Iye achere voya kano tahu kpwa siku.”

Mariko 6:48

Phahi waona anafundzie kpwa kure agayavyo na phuto kali kuhenda dau rao kuphiya mbere. Na iriphofika wakati wa dzogolo ra kpwandza kuika, waalunga anafundzie kuno ananyendeka dzulu ya madzi, achihenda avi anaatsupa.

Sonono za Jeremia 3:8

Dzagbwe naiha na kuririra kuterywa, ela ye nkupuza mavoyo gangu.

Ayubu 19:7

Dzagbwe nakota kululu, ‘Nkahenderwa fujo!’ ela taphana anijibuye, dzagbwe nakota kululu niterywe, ela taphana haki bii.

Zaburi 72:12

Mana andamkombola achiyetsowekpwa amuririraye na mgbwayi asiye na mutu wa kumterya.

Zaburi 77:2

Wakati nriphokala nina tabu namuendza Mwenyezi Mlungu, usiku wosi námvoya kuno nkaunula mikono yangu ela moyo wangu tauyahurira.