Zaburi 50:16 - Digo Bible

¹⁶ Ela kpwa atu ayi Mlungu anaauza, “Kpwa utu wani munahadza shariya zangu au kugomba kuhusu chilagane changu?

Zaburi 50:16 Referans Kwoze

Isaya 29:13

Mwenyezi Mlungu anaamba, “Atu hano ananisengerera na kuniishimu kpwa kanwa zao ela mioyo yao i kure nami. Ibada zao zinalongozwa ni malagizo arigofundzwa ni anadamu.

Zaburi 25:14

Mwenyezi Mlungu ni msenangbwa wa hara amuogophao na nkuafundza chilaganeche.

2 Petero 2:15

Aricha njira nono imuhamirayo Mlungu, achiangamika dza arivyoangamika Balaamu, mwana wa Beori, yemendza kuphaha pesa kpwa kuhenda mambo mai.

Aeburania 8:9

Hichi tachindakala dza chira nrichoika na akare ao, nriphoagbwira mikono nchiatuluza kula tsi ya Misiri. Ndahenda chilagane chiphya nao, mana taayakala aaminifu kulunga chilagane changu cha kare. Ndiyo mana siyaajali tsona.

Johana 4:24

Mlungu ni Roho, na atue achimuabudu ni lazima alongozwe ni Rohowe ili amuabudu chikpweli-kpweli.”

Misemo 26:7

Misemo igombwayo ni mzuzu taifwaha dza magulu ga chiswere galewalewago.

1 Akorintho 9:27

Ela nahenda mazowezi magumu na kuutawala mwiri wangu ili bada ya kuhubiriya anjina, nsedze nikatsamalalwa mashindanoni.

Ezekieli 18:27

Chisha mutu mui achiricha uyiwe ariohenda na kuhenda haki na garigo sawa, andativya maishage.

Isaya 48:22

Mwenyezi Mlungu anaamba, “Takuna amani kpwa atu ayi.”