Zaburi 5:7 - Digo Bible

⁷ Ela kpwa sababu ya unji wa mendzwayo nindainjira mwako nyumbani, na kuabudu kpwa kukuogopha ndani ya Nyumbayo takatifu.

Zaburi 5:7 Referans Kwoze

Zaburi 138:2

Nazama kukuabudu kuelekeya nyumbayo takatifu na kurilavira shukurani dzinaro kpwa sababu ya mendzwayo isiyosika na uaminifuo. Mana uwe ukaika dzinaro na nenoro ukarihenda rikale dzulu kuriko vitu vyosi.

Zaburi 132:7

“Huphiyeni kpwenye makaloge, huphiyeni hukaabudu, kpwenye chihiche cha kuikira magulu.”

Zaburi 69:13

Ela mino nakuvoya uwe ee Mwenyezi Mlungu, kahi za wakati unaoukubali uwe, ee Mwenyezi Mlungu, kahi za mendzwayo isiyosika, nijibu uniterye kpwa uaminifuo.

Aeburania 4:16

Phahi nahusengerereni pho pharipho na chihi cha endzi cha Mlungu bila wuoga, mana Mlungu ni mnono. Ndipho andahuterya wakati wa shida kpwa kuhujaliya na kuhuonera mbazi.

Isaya 55:7

Mutu mui naariche uyiwe, na mutu asiye na haki naariche maazoge mai, amuuyire Mwenyezi Mlungu, naye andaonerwa mbazi. Naamuyire Mlungu wehu, naye andamswamehe tsetsetse.

Danieli 6:10

Phahi Danieli ariphomanya kukala go maandishi gakatiywa saini, wauka achendapanda chumba cha gorofani cha nyumbaye, chirichokala na madirisha gokala wazi kulola Jerusalemu. Achichita mavwindi mbere za Mlunguwe achimvoya na kumlavira shukurani kano tahu chila siku dza arivyokala akabara kuhenda.

Joshuwa 24:15

Sambi ichikala tamlonda kumuhumikira Mwenyezi Mlungu, tsambulani ihi rero ndiyemuhumikira, ichikala ni milungu ambayo akare enu ahumikira ngʼambo ya muho Yufurati ama milungu ya Aamori ambao tsi yao munaisagala, ela mimi na nyumba yangu hundahumikira Mwenyezi Mlungu.”

Mahendo 9:31

Hipho, afuasi a Jesu okala Judea, Galilaya na Samariya akala salama na achienderera kumuogopha Mlungu. Roho Mtakatifu aatiya moyo na kuapha nguvu, na kundi ra afuasi richienjerezeka.

Hosea 3:5

Badaye Aiziraeli andauya na kumuendza Mwenyezi Mlungu, Mlungu wao na mfalume wao wa chivyazi cha Daudi. Andakpwedza kpwa Mwenyezi Mlungu kpwa kuogopha na kulunga unonowe hipho siku za mwisho.

1 Afalume 8:38

mutu mmwenga au Aiziraeli osi achikuvoya rorosi, chila mmwenga achikala anamanya shidaye na sononoye, achiunula mikonoye kuloza nyumba hino,

Isaya 64:11

Nyumba yehu ya kuvoya Mlungu, iriyo takatifu na nono, phatu akare ehu ariphokutogola, ikatiywa moho ikaphya, na vitu vyosi hurivyovisamini vikabanangbwa-banangbwa.

Zaburi 69:16

Nijibu ee Mwenyezi Mlungu, kpwa sababu ya mendzwayo nono isiyosika, nigalukira mimi kulengana na unji wa mbazizo.

Zaburi 55:16

Ela mino navoya Mlungu, naye Mwenyezi Mlungu andanitivya.

Zaburi 52:8

Ela mino ni dza mzaituni ndani ya nyumba ya Mlungu. Ninakuluphira mendzwa ya Mlungu isiyosika hata kare na kare.

Zaburi 51:1

Nionera mbazi, ee Mlungu, sawa-sawa na mendzwayo isiyosika. Futa uyi wangu, kulengana na unji wa mbazizo.

Zaburi 28:2

Phundza mavoyo gangu, ninaphokuririra uniterye, na ninaphounula mikono kuloza phatupho phatakatifu.

1 Afalume 8:35

“Napho mlunguni kukafungbwa na takuna mvula kpwa mana atuo akakuhenda dambi, achikuvoya kuno akaloza phatu hipha akuihe na ariche dambi zao kpwa sababu unaagayisa,

Zaburi 130:4

Ela kpwako kuna msamaha ili huphahe kukuogopha.

Zaburi 34:17

Atu a haki achimvoya Mwenyezi Mlungu nkuasikira na nkuativya na tabu zao zosi.

Zaburi 101:7

Wa handzo yeyesi kandasagala mwangu nyumbani. Takuna wa kugomba handzo ndiye sagala mbere zangu.

Misemo 6:16

Kuna vitu sita ambavyo vinamtsukiza Mwenyezi Mlungu, ee, kamwi ni sabaa ambavyo wavimena:

Misemo 6:17

Mutu wa shobo, lilimi rigombaro handzo, mikono imwagayo milatso isiyo hatiya,