Zaburi 5:5 - Digo Bible

⁵ Anaodzikarya taaweza kuima mberezo, mana ukumena atu ahendao mai.

Zaburi 5:5 Referans Kwoze

Zaburi 11:5

Mwenyezi Mlungu nkupima atu a haki na ayi iye anamena atu amendzao fujo.

Hosea 9:15

“Kpwa uyi wao wosi ariouhenda hiko Giligali, nami náandza kuamena kuko. Kpwa ajili ya mahendo gao mai nindaatuluza mwangu nyumbani. Sindaamendza tsona, vilongozi aho osi ni aasi.

Zaburi 1:5

Kpwa hivyo atu ayi taandatiya uamuli wa Mlungu, na enye dambi taandaima phamwenga na atu a haki.

Mathayo 25:41

“Chisha nindaambira hara ario uphande wa kumotso, ‘Ukani mbere zangu mwimwi muriolaniwa! Phiyani moho wa kare na kare uriotengezerwa Shetani na malaikae.

Alawi 20:23

Msilunge mila za mataifa ambago ndagazola mbere zenu, mana nágazira sana kpwa kuhenda higo gosi.

Misemo 1:7

Kumuogopha Mwenyezi Mlungu ndicho chandzo cha marifwa, ela azuzu nkubera ikima na adabu.

Habakuki 1:13

Matsogo uwe Mwenyezi Mlungu ni matakatifu sana hata kuweza kulola uyi, wala kuvumirira makosa. Kpwa utu wani phahi unalola na kuvumirira wakati atu ayi anaangamiza atu a haki kuriko aho?

Misemo 8:5

Mwino azuzu dzifundzeni kukala alachu, namwi apumbavu kalani na makini.

Mathayo 7:23

Nami nindaambira chingʼangʼa, ‘Sikumanyani tse. Niukirani hipha mwi atu ayi!’ ”

Zakariya 11:8

Mimi náusa arisa a hahu ndani ya mwezi mmwenga, mana siyaavumirira nao achikala akanimena.

Muhubiri 5:4

Uchiika naziri kpwa Mlungu, usikae kuiusa. Mana Mlungu kahamirwa ni azuzu. Yo naziri uriyoika iuse.

Misemo 1:22

“Mwi msiomanya! Mnalonda kusamanya hadi rini? Na mwi enye chibero, mundamendza kubera hata rini? Namwi apumbavu! Mundazira marifwa hadi rini?

Zaburi 75:4

Nakuambirani mwimwi munaodzikarya, ‘Msidzikarye,’ nao ario ayi ninaamba, ‘Msidzikutule!

Zaburi 130:3

Ee Mwenyezi Mlungu, ichikala uwe undaolanga makosa gehu, ni ani ndiyeweza kuima mberezo?

Zaburi 94:8

Mwi azuzu kuriko atu osi! Mwi apumbavu, mundakala rini na ikima?

Zaburi 92:6

Hiri ni dzambo ambaro mzuzu kaweza kurimanya, mjinga kaweza kurielewa.

Zaburi 14:1

Azuzu nkuamba mwao moyoni kukala, “Takuna Mlungu.” Osi taafwaha, anahenda mambo ambago tagahendwa, takuna hata mmwenga ahendaye manono.

Zaburi 73:3

Mana kala naaonera wivu hinyo anaodzikarya niriphoona atu ayi anaongokerwa.

Zaburi 10:3

Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

Misemo 15:9

Mwenyezi Mlungu nkutsukirirwa njira za atu ayi, ela nkuamendza atu adinisao kuhenda haki.