Zaburi 5:4 - Digo Bible

⁴ Uwe u Mlungu usiyehamirwa ni uyi, tsona kusagala na atu ayi.

Zaburi 5:4 Referans Kwoze

Zaburi 11:5

Mwenyezi Mlungu nkupima atu a haki na ayi iye anamena atu amendzao fujo.

Aeburania 12:14

Enehu, hendani chadi msagale vinono na chila mutu, na msagale masagazi ga utakatifu. Mana takuna ndiyeweza kumuona Mlungu bila ya kusagala masagazi dza higo.

Malaki 2:17

“Mkamremweza Mwenyezi Mlungu na higo maneno genu. Ela mwi munauza, ‘Ni maneno gani huchigomremweza nago?’ Mkamremweza kpwa kuamba, ‘Mwenyezi Mlungu anamendza ahendi a mai osi tsona anamuhamira.’ Au kpwa kuuza, ‘Ye Mlungu ahendaye haki a kuphi.’”

Zaburi 140:13

Hakika atu a haki andatogola dzinaro, na ahendao ga haki andasagala pho phako uripho.

Zaburi 50:21

Higa gosi mwagahenda mino nchinyamala, mchiona mimi ni dza mwimwi. Ela sambi nakudemurirani na nikuambireni makosa genu chingʼangʼa.

Maono 21:27

Ela takuna chochosi chiricho najisi ndichoinjira himo mudzini, wala mutu yeyesi ahendaye mambo ga waibu ama ga handzo. Atu ndioinjira mudzi hinyo ni aratu ambao madzina gao gaandikpwa kpwenye chitabu cha uzima cha ye Mwana ngʼondzi.

Habakuki 1:13

Matsogo uwe Mwenyezi Mlungu ni matakatifu sana hata kuweza kulola uyi, wala kuvumirira makosa. Kpwa utu wani phahi unalola na kuvumirira wakati atu ayi anaangamiza atu a haki kuriko aho?

Zaburi 92:15

Vivi vinaonyesa kukala Mwenyezi Mlungu ni mkamilifu, iye ni mwamba wangu na ndaniye tamuna uyi.

2 Petero 3:13

Ela Mlungu walaga kukala kundakala na mlunguni kuphya na dunia nyiphya, ambako chila mmwenga andahenda mambo gamhamirago bahi. Naswi hunagodzera kpwa hamu ahadi iyo itimizwe.

Zaburi 101:7

Wa handzo yeyesi kandasagala mwangu nyumbani. Takuna wa kugomba handzo ndiye sagala mbere zangu.

Zaburi 94:20

Uwe kuweza kuungana na atawala ayi, atungao shariya za kukanira mai?

Maono 21:23

Mudzi hinyo tauna haja ya mwanga wa dzuwa ama mwezi, mana nkungʼarirwa ni utukufu wa Mlungu, na Mwana ngʼondzi ndiye taa ya nyo mudzi.

Johana 14:23

Achimuamba, “Mutu yeyesi animendzaye andagbwira mafundzo gangu. Baba andammendza, naswi hundakpwedzasagala naye.

1 Nyakati 29:17

Mlungu wangu, mino namanya kukala uwe ukupima moyo wa mutu, nawe unahamirwa ni mutu wa moyo wa uaminifu na uhendao garigo sawa. Nami kpwa hiyari yangu nkalavya hivi vyosi moyo kutsuka. Chisha atuo ambao a hipha, nkaaona anakulavira kpwa hiyari na kuhererwa.

Zaburi 63:2

Nákuona phatupho phatakatifu, náona vira urivyo na uwezo na utukufu.

Zaburi 88:14

Haya, mbona unanirema Mwenyezi Mlungu? Mbona unalola kanda usinione?