Zaburi 40:17 - Digo Bible

¹⁷ Mino ni mchiya na mgbwayi, ela Mwenyezi Mlungu ananiririkana. Uwe ndiwe uniteryaye na uniokolaye usikae, ee Mlungu wangu.

Zaburi 40:17 Referans Kwoze

Zaburi 70:5

Ela mino ni mchiya na mgbwayi, ndzo upesi, ee Mlungu! Uwe u msada wangu na ndiwe unikombolaye, ee Mwenyezi Mlungu, usikae!

Isaya 41:17

Achiya na akutsowa anaendza madzi ela taphana, chila mmwenga lilimire rikakpwalala kpwa chiru. Mimi Mwenyezi Mlungu nindaajibu, mimi Mlungu wa Iziraeli sindaaricha.

Aeburania 13:6

Ndiyo mana hunaweza kugomba bila wuoga hukaamba, “Mwenyezi Mlungu ndiye msaidizi wangu, sindaogopha chochosi. Mwanadamu andanihendani?”

Zaburi 34:6

Mgayi achimvoya Mwenyezi Mlungu, iye nkumsikira na akamtivya na tabuze zosi.

1 Petero 5:7

Mrichireni Mlungu mashaka genu gosi mana iye anajali mambo genu.

Zaburi 54:4

Namanya Mlungu ndiye aniteryaye, Mwenyezi Mlungu ndiye aniikaye moyo.

Zaburi 40:5

Uwe Mwenyezi Mlungu, Mlungu wangu mahendogo ga ajabu ni manji, na mambo uhupangirago tagaolangika! Nchiamba nagatangaza na kugasemurira sindaweza kugamala.

Jakobo 2:5

Phundzani enehu amendzwa, Mlungu watsambula agayi akale matajiri mwao mioyoni, kpwa sababu anamkuluphira Mlungu vinono. Nao ndio ndiojaliwa na mambo mazuri gosi ambago Mlungu waalaga atu ammendzao.

Zaburi 86:1

Niphundza, ee Mwenyezi Mlungu na unijibu, mana ni mchiya na mgbwayi.

Zaburi 69:33

Mana Mwenyezi Mlungu nkusikira mavoyo ga achiya, na kabera ario akpwe achiofungbwa.

Maono 22:20

Na iye alavyaye ushaidiwe kuhusu mambo higa anaamba, “Hakika sichelewa, nredza vi sambi.” Amina. Ndzo Bwana Jesu!

1 Petero 2:23

Aripholaphizwa kayauyiza neno rorosi na ariphoteswa kayajeza kuriphiza. Ela gosi wamrichira Mlungu ahukumuye na haki.

2 Akorintho 8:9

Mana mnamanya mbazi za Bwana wehu Jesu Masihi. Hata dzagbwe kala ni tajiri, ela waricha utajiri wosi na achikala mchiya kpwa ajili yenu, ili kpwa kutsapira uchiyawe, mwimwi mphahe kukala matajiri.

Mathayo 8:20

Jesu achimuamba, “Makala gakala winani, na nyama a mapha ana nyumba zao, ela mimi, Mutu Yela Mlunguni, sina phatu pha kuika mbavu.”

Zaburi 109:22

Mana mino ni mchiya tsona mgbwayi, na moyo wangu ukalumizwa sana.

Zaburi 34:4

Mino námvoya Mwenyezi Mlungu, na achinijibu, achinikombola na gosi nrigokala ni muoga nago.

Zaburi 35:27

Ela hinyo ario na hamu ya kuona ikaamulwa sina makosa naahamirwe na apige njerejere siku zosi na aambe: “Mwenyezi Mlungu ni mkpwulu sana! Iye ahamirwaye ni kuongokerwa kpwa mtumishiwe.”

Isaya 25:9

Siku iyo atu andaamba, “Lola, hiyu ndiye Mlungu wehu. Ndiye huriyemgodza ahuterye. Yuyu ndiye Mwenyezi Mlungu nahupige njerejere na kufwahirwa ni wokofuwe.”