Zaburi 39:12 - Digo Bible

¹² “Sikira mavoyo gangu ee Mwenyezi Mlungu, phundza chiriro changu usihurire wakati ninarira mana mimi ni dza mjeni atsupaye, ni mcharo dza arivyokala akare angu.

Zaburi 39:12 Referans Kwoze

1 Petero 2:11

Asena angu, mimi ninaamba, viratu ambavyo mu ajeni na asagazi a duniani dza atu ariotsamizwa kpwa lazima murio tsi ya ujenini, msiruhusu tamaa za miri yenu zikutawaleni. Mana wakati wosi tamaa hizi nkukala zinapingana na mioyo yenu.

Aeburania 11:13

Atu hinya osi afwa kuno achere kukuluphira, wala kala taadzangbwephaha gara ambago kala akalagbwa. Ela agaona kpwa kure gachiahamira. Nao akubali wazi kukala hipha duniani kala ni ajeni na acharo,

Zaburi 119:19

Mimi ni mjeni phapha duniani, mino natsupira tu, usinifwitse malagizogo.

Alawi 25:23

“Msiguze tsi kabisa-kabisa, mana iyo ni mali yangu na mwimwi mu ajeni na apangadzi angu.

Mwandzo 47:9

Jakobo achimuambira mfalume, “Miaka ya charo changu himu duniani ni gana mwenga na mirongo mihahu. Miaka hino ni michache na taidzangbwefika miaka yoishi akare angu, tsona yakala ya kugaya.”

1 Petero 1:17

Mlungu, ambaye munamuiha Baba, anahukumu atu osi kulengana na mahendo gao bila ubaguzi. Kpwa hivyo, muogopheni sana kpwa muda uhu ambao mchere sagala hipha duniani dza ajeni.

Zaburi 56:8

Uwe unamanya vira nirivyohangaika, matsozi gangu unagatambukira, dze, gano gosi tagaandikirwe mwako chitabuni?

1 Nyakati 29:15

Mana swino mberezo hu ajeni, tsona huacharo dza vyo arivyokala baba zehu. Hipha duniani, siku zehu ni dza chivurivuri na taphana tumaini.

2 Afalume 20:5

“Uya ukamuambire Hezekiya, chilongozi wa atu angu, ‘Mwenyezi Mlungu anakuamba hivi, Mwenyezi Mlungu, Mlungu wa mkareo Daudi, nkasikira voyoro na nkaona matsozigo. Kpweli ndakuphoza na bada ya siku tahu undaphiya ndani ya nyumba ya Mwenyezi Mlungu.

Aeburania 5:7

Ariphokala hipha duniani, Jesu wavoya sana Mlungu kpwa raka ra dzulu na kurira, mana kala anamanya kukala Mlungu ana uwezo wa kumtivya na chifo. Wamuogopha Mlungu kpwa chila njira, naye achiphokera mavoyoge.

Zaburi 116:3

Nyugbwe za chifo zanilinga-linga, utsungu wa mbira waniphaha nágaya na mahangaiko na sonono.

Ayubu 16:20

Asena angu ananibera, ela matso gangu ganammwagira Mlungu matsozi.

2 Samueli 16:12

Chahi Mwenyezi Mlungu andalola mai gachigoniphaha, naye andaniripha manono kpwa ajili ya lana ninayolaniwa rero.”

2 Akorintho 5:6

Kpwa hivyo huna usujaa munji wakati wosi hata dzagbwe hunamanya wakati hunaphosagala ndani ya miri hino, hukukala kure na Bwana.

Zaburi 102:1

Phundza mavoyo gangu, ee Mwenyezi Mlungu chiriro changu cha kuvoya msada nachikufikire!

Zaburi 119:54

Malagizogo gakakala wira wangu phophosi nisagalapho.

Mwandzo 21:34

Burahimu wasagala siku nyinji dza mjeni kuko tsi ya Afilisti.

Ayubu 13:28

Kpwa hivyo nabubudzika dza utu uolao, dza nguwo yoriwa ni popho.

Zaburi 90:9

Kpwa sababu ya tsukizizo, siku zehu nkukala chache, miaka yehu ikasira upesi dza mseho.