Zaburi 37:11 - Digo Bible

¹¹ Ela hinyo anaogbwa maguluni andarisi tsi, nao andasagala kpwa amani na aongokerwe.

Zaburi 37:11 Referans Kwoze

Mathayo 5:5

Baha a pole, mana Mlungu andaapha tsi ikale yao.

Isaya 26:3

Mwenyezi Mlungu andamupha amani hiye ariye muaminifu wakati wosi kpwa kukala anamkuluphira.

Jakobo 3:13

Dze, ni ani ariye na achili na marifwa? Ichikala a kuko naahende mahendo manono kuonyesa marifwage, ela naasihende ngulu kpwa sababu ya mahendoge.

Zaburi 119:165

Hinyo amendzao shariyayo ana amani kulu na taphana chochosi ndicho ahenda akpwale.

Afilipi 4:7

Phahi Mlungu andakuphani amani ambayo mwanadamu kaweza kuielewa. Amani iyo naitawale mioyo na achili zenu kpwa sababu munamkuluphira Jesu Muokoli.

Isaya 48:18

Kalapho waphundza amuri zangu, phahi amaniyo ingekala dza muho, na hakiyo ingekukupukira dza maimbi ga bahari.

1 Timothi 6:11

Ela uwe Timothi, mutu wa Mlungu, usilunge kamare mambo higa. Henda garigo ga haki, dzilavye kpwa Mlungu, mkuluphire Jesu Masihi, mendza atu, vumirira na ukale na upole.

Jakobo 1:21

Phahi, msihende tabiya mbii na mriche mahendo mai gosi tse! Dziikeni kpwa Mlungu na mkubali nenore kpwa upole. Watiya neno hiro mwenu mioyoni, na rinaweza kukuokolani.

Zaburi 72:7

Wakati wa maishage gosi haki indatawala na kukale na amani hadi mwezi ukale taupho tsona!

Zaburi 36:8

Ukuamvunisa na unji wa vitu vya mwako nyumbani na kuanwesa kula muho wa manono urigo nago.

Johana 14:27

Nakurichirani amani yangu, nayo si dza hira ilaviwayo ni atu asiomkuluphira Mlungu. Msisononeke wala kukala aoga.

Kumbukumbu 5:33

Mundalunga njira yosi ambayo Mwenyezi Mlungu, Mlungu wenu, anakuamuruni kulunga kusudi mkale moyo, muongokerwe na mphahe kusagala muda mure kpwenye tsi ndiyoimiliki.”

Zaburi 25:13

Iye andaongokerwa na tsi indakala urisi wa anae.

Isaya 57:13

Ndiphorira, vyo vizuka urivyovikusanya navikutivye, phepho rindaviphepherusa, pumuzi chache indaviusa. Ela mutu anikuluphiraye andarisi tsi na mwango Mtakatifu undakala wakpwe.”