Zaburi 36:6 - Digo Bible

⁶ Hakiyo ni dza myango ya Mlungu, uamulio avi ni vivwa vya bahari uwe Mwenyezi Mlungu unamanyirira atu na nyama.

Zaburi 36:6 Referans Kwoze

1 Timothi 4:10

Hunahenda chadi na kugaya sana kpwa sababu hwaika tumaini rehu kpwa Mlungu aishiye, ambaye ni Muokoli wa atu osi na haswa kpwa hara amukuluphirao.

Arumi 11:33

Hebu lola vira utajiri, marifwa na ilimu ya Mlungu irivyo kulu! Ni ani awezaye kuelewa uamuli na njira za Mlungu?

Zaburi 77:19

Wahenda njirayo yatsupa na kahi-kahi ya bahari, wanyendeka dzulu ya madzi manji, ela nyayozo taziyaonekana.

Zaburi 71:19

Na haki uriyo nayo, ee Mlungu, inafika mlunguni. Uwe ukahenda mambo makulu, ee Mlungu, ni ani ariye dza uwe?

Isaya 45:19

Sigombere chisiri-siri wala kpwenye tsi ya jiza, nisingeambira chivyazi cha Jakobo, aniendze kalapho siphahikana. Mimi Mwenyezi Mlungu nagomba kpweli, ninagomba mambo ga haki.

Zaburi 145:9

Mwenyezi Mlungu ni mnono kpwa osi, na ana mbazi na vyosi arivyoumba.

Zaburi 97:2

Maingu na chilungulungu cha jiza chikamzunguluka Msingi wa utawalawe ni haki na uamuli wa haki.

Zaburi 92:5

Mahendogo, ee Mwenyezi Mlungu ni makulu sana! Si rahisi kumanya maazogo!

Arumi 3:25

Mlungu wamlavya Jesu akale sadaka, ili atu achiamini kukala wafwa kpwa sababu yao aswamehewe dambi zao. Mlungu wahenda hivyo kuonyesa kala ni wa haki, mana wavumirira na kayaatuluza atu makosa kpwa sababu ya dambi zao za kare.

Jona 4:11

Dze, mino nami sifwaha kukala na utsungu na huno mudzi mkpwulu wa Ninawi, urio una zaidi ya atu elufu gana na mirongo miiri asiomanya zuri ni riphi na iyi ni riphi? Haya mbali na hivyo phahi, mudzi uhu una mifugo, tsona minji.”

Isaya 40:28

Kpwani tammanya? Vino tamdzangbwesikira? Iye Mwenyezi Mlungu ni Mlungu hata kare na kare, iye ndiye muumba wa dunia. Iye kavundzika moyo wala karemwa, na takuna awezaye kuchunguza fahamuze.

Zaburi 147:9

Nkuapha chakurya nyama a tsakani na vidzana nyama a mapha virirapho.

Ayubu 37:23

Iye Mwenye Nguvu Zosi tahuweza kumuona, iye ni mwenye uwezo na haki akaodzalwa ni haki naye kaonera mutu.

Ayubu 7:20

We uchunguzaye anadamu, kpwani nchihenda dambi inakuzuru? Mbona ukanitsata? Kpwa utu wani nkakala mzigo kpwako?

Nehemia 9:6

Uwe ndiwe Mwenyezi Mlungu macheyo. Uwe waumba kosi mlunguni na vyosi virivyo kuko, uchiumba tsi na vyosi virivyo mumo na bahari na vyosi virivyo mumo. Chisha uwe ndiwe ulavyaye uzima kpwa viumbe vyosi na malaika anaokuabudu.

1 Samueli 14:15

Afilisti osi tsi ndzima amenywa nchiwewe, ariokala kambini, mindani na kahi-kahi za atu hata cho chikosi cha jeshi na avamizi piya akakama. Tsi piya nayo yasumba na phachikala na chiwewe.

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Kutsama 9:28

Kpwa hivyo mvoyeni Mwenyezi Mlungu mana yo mvula ya mawe na cho chiguruguru chikatosha. Nindakurichani muuke na wala sindakuzuwiyani tsona.”

Mwandzo 18:25

Kpwa kpweli taifwaha kuolaga atu a haki phamwenga na atu ayi! Taiwezekana! Taifwaha kuhenda atu a haki sawa na atu ayi. Uwe u muamuli wa dunia yosi, kundakosa kuhenda haki.”

Jeremia 12:1

Ee Mwenyezi Mlungu, uwe u wa haki, wakati nkulalamikirapho, ela nalonda nikuuze kuhusu hakiyo: Kpwa utu wani atu ayi nkuongokerwa? Kpwa utu wani atu ayi nkuishi vinono?

Kumbukumbu 7:9

Phahi, manyani kukala Mwenyezi Mlungu, Mlungu wenu, ndiye Mlungu. Iye ni Mlungu muaminifu, anayetimiza chilaganeche na kuonyesa mendzwa isiyosika hata kpwa vivyazi elufu vya hara anaommendza na kugbwira amurize.

Zaburi 31:20

Ukuafwitsa phapho uripho, kure na njama mbii za atu unaaika salama kpwenye makalogo kure na atu anaoashitaki.

Sonono za Jeremia 3:23

ni nyiphya chila ligundzu, na uaminifuwe ni mkpwulu.